بين الثراء والبادية

الحلقة 162

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 162
   ▪︎ عند لهاشمي وغيمة وزينة لي كانوا باركين مجموعين على طبلة لي محطوط فيها الفطور لي وجداتوا غيمة وزينة...

غيمة [ناضت وقفت] : صافي باركة عليكم نوضوا يله خليونا نمشي عند خالتي خديجة راه هوا هذا الوقت باش نعاونوهم
لهاشمي : غا بركي بلاتي تا نكملوا
زينة [ناضت وقفت حداها] : خويا راها معاها الحق نوض يله نمشيو
لهاشمي : سيروا لبسوا حويجكم وخرجوا يله نمشيو

• دخلوا لبنات بدلوا عليهم حويجهم بجلالب معا شيلان تاعهم وهزات غيمة معاها واحد صاك فيديها كانت وجداتوا مني فاقت من بعد خرجوا عندوا ووقفوا ليه على راسوا...

لهاشمي [حط الكأس تاع آتاي] : اول مرة متعطلوش
غيمة [شداتوا من يدوا تا وقف] : يله نوض خلاص خلينا نمشيو

• هزات زينة واحد الغطاء وغطات بيه طبلة من بعد مشا لهاشمي لبس عليه تجاكيط تاعوا وخرجوا كاملين متوجهيش لدار عند خديجة...

• وصلوا لدار من بعد لهاشمي خرج لعند رجال أما زينة وغيمة فدخلوا لداخل عند نورة ويامنة لي كانوا كيجمعوا فالبيوتة ، عاونوهم من بعد مشاو دخلوا للبيت عند نورة وبداو كيوجدوا فشنو يلبسوا ليامنة...

• قادات ليها شعرها ودارت ليها مكياج لي خفيف وحتا البنات قادات ليهم دكشي خفيف ، أما خديجة فبقات ملاهية معا طياب ومرة مرة كانت كتمشي تشوف لبنات شنو كيديروا وترجع تكمل شقاها...

                •"بعــد مــدة زمنيـــة"•

• كان المراح بارك فيه بوشعيب وفجنبوا ليّمين بارك لهاشمي ولّيسر بارك عزيز أما قداموا فكان بارك كريم لي مبتاسم إبتسامة بشوية على وجهوا وفالجنب تاعوا كانت بارك الأم تاعوا سعاد...

• دخلات عليهم خديجة لي كانت كتصلي على النبي وشاد فيامنة لي كانت لابسة قميصها البيض ودايرة واحد سبنية على راسها ، كانت زينة شادة فيها من يدها لخرى أما غيمة ونورة فكانوا وراهم جايين داخلين معاهم...

سعاد [طبطبت حداها] : أجي أبنتي بركي حدايا
خديجة [وهيا مخاطبة يامنة] : سيري أبنتي بركي حداها

• مشات يامنة بركات حداها وهيا منزلة راسها والخجل باين على ملامحها ، شدات ليها سعاد فيديها وهيا كطبطب على ظهرها...

سعاد : تبارك الله عليك زينة مشاء الله

• بركوا البنات وخديجة فطرف ثاني لي حداهم ، بقاو هاضرين ومجمعين وهوما ضاحكين من بعد فالأخير حددوا موعد الفرح لي غادي يكون سيمانة لي بعد من هادي...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎