بين الثراء والبادية

الحلقة 165

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 165
   ▪︎ عند غيمة لي كانت شادة تليفونها كتخربق فيه حتا تفكرات الأب تاعها لي مدة طويلة باش مهضرتش معاه ، دوزات نمرة وتاصلات بيه ، حطات تليفون وبقات مدة طويلة حتا سمعت صوتوا...

سعيد : أهلا أهلا بلي تفكرنا
غيمة [وهيا كضحك] : والله اباباتي مساليت راه يله داز العرس تاع يامنة ويله سالينا
سعيد : أه فرحت بزاف فاش سمعتها تزوجات ولكن مقدرتش نجي
غيمة : ماشي مشكيل ابابا أصلا هيا متقلقاتش منك
سعيد : حتا نهضر معا بوشعيب وناخد العنوان تاعها هنا ونمشي نشوفها وندي ليها شي كادوا معايا
غيمة : غادة تفرح بزاف لمشيتي ليها
سعيد : إن شاء الله غادي نمشي
غيمة [تربعات وهيا مبتاسمة وظاهر على ملامحها الحماس] : عرفتي أبابا تقريبا فشهر مكاملش يعني قول غا 3 تاع سيمانة حيت سيمانة تاع العرس مساليتش حفظت فيها أبابا جوج تاع الأحزاب فالقرآن
سعيد [بنبرة لي باينة فيها دهشة والفرحة] : وااو ما شاء الله وتبارك الله عليك أبنتي الله يحفظك من العين ويحفظ زوج تاعك حيت بصح كيبان راه ولد ناس الله يرحم من رباه ، تبارك الله دار شي حويج أنا مقدرتش عليهم
غيمة [وهيا منزلة راسها بخجل] : هيا راه هوا لي ساعدني باش تحجبت وباش حفظت هدشي ولكن كيف كيقول ليا ديما هدشي كلوا بسباب الله لي هداني
سعيد [بنبرة صوت إفتخار وحب] : الله يخليكم لبعضياتكم وهضرتوا أبنتي على حق وأنا فرحان بزاف حيت راك غادة فطريق المستقيم
غيمة : الحمد الله ، وبابا واش مغاديش تجي نشوفك راك توحشتك بزاف
سعيد [تنهد ونطق بحسرة] : تانا توحشتك أبنتي وغادة نحاول وإلى قدرت فهاد سيمانة نجي
غيمة [بإبتسامة رضى] : صافي واخا وفاش تبغي تجي علمني
سعيد : صافي واخا أبنتي ويله بسلامة عليك نخليك دابا
غيمة : بسلامة

• قطعات معاه وهيا فرحانة حيت الأب تاعها لي مشافتوش المدة هادي غادي يجي لعندها ، فوسط الفرحة تاعها سمعات الباب كيتحل خرجات لبرى حتا بان ليها لهاشمي داخل لعندها للبيت وهوا مبتاسم...

غيمة [وهيا قارنة حواجبها] : شنو سبب ضحكة من عند الباب ؟!
لهاشمي [شدها من خصرها مقربها ليه] : كنتي سولتيني قبيلا على شنو الهدية تاع هاد المرة ياك
غيمة [وهيا محاوطة عنقوا بيديها وكتهضر بنبرة هادئة] : امم شنو هيا هاد الهدية
لهاشمي [طبع قبلة خفيفة على شفايفها وبعد عليها شوية ونطق] : من هنا ليومين غادين نمشيو نسكنوا فدار تاع الأب تاعك كيف كنتي باغا
غيمة [ قاطعاتوا وهيا الفرحة باينة على عينيها] : قول والله مكتكدب عليا
لهاشمي [وهوا كيضحك] : تي غا صبري نكمل هضرتي راه ماشي هادي هيا الهدية
غيمة [عنقاتوا من عنقوا وهيا كتغوت بالفرحة] : وااع باركة عليا أنا غا هدشي [بعدات عليه وهيا كتشوف فيه] مكتكدبش عليا ياك
لهاشمي [قرصها من نيفها] : فين عمر كدبت عليك
غيمة [رجعات تعلات على صباع رجليها وعنقاتوا] : شكرا شكرا شكرا بزاف هادي أحسن هدية حسن من داك ذهب وداك المصحف وصلاية لي جبتي ليا وحتا [بعدات عليه وهيا كتوريه الخاتم لي فيدها] هذا
لهاشمي [باس ليها يدها ونطق] : القرآن أفضل بكتير من كلشي حيت هوا راه مليهش ثمن
غيمة : اه معاك الحق ولكن زعما قصدت غا الفرحة بكل حاجة
لهاشمي : الآلة بصحتك واخا راه أنا ماشي هادي هيا الهدية تاعي
غيمة : واش كين حسن من هدشي

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎