🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 122
• قبل ميكمل كلاموا سمع تليفونوا كيصوني ، بعد عليها ووقف ، مشا هز تليفونوا من فوق الكوافوزة لي حدا لباب وفتح الإتصال...لهاشمي : ألو [سكت لثواني كيسمع] صافي واخا اعمي وراه غدا فالعشية ندوّز عندكم حتا غيمة [رجع سكت لثواني قليلة] يله بسلامة
• قطع الإتصال وحط تليفونوا لي كان صغير فيه فقط الهضرة عادية ورجع حدا غيمة لي كانت حاضياه ، تخشا حداها ورجع عنقها...
غيمة : معامن كنتي هاضر
لهاشمي : غير معا عمي بوشعيب قاليا بلي زينة غادة تبقى معاهم
غيمة : اه صافي• بادلاتوا العناق وغمضات عينيها باغا تنعس حيت كتحس بلي محتاجة انها ترتاح شوية ، زاد خشاها فيها كتر وهوا مبتاسم ، بعد مدة زمنية لي مكانتش طويلة كانوا بجوج بيهم دخلوا بحر الأحلام...
▪︎ فالدار عند سميرة كانت باركة فالبيت كتشرب فآتاي وهيا مغطية بالمانطة على البرد حتا دخل رضوان وهوا خاشي يديه فجياب الجلابة لي لابس...
سميرة : دخل اولدي على البرد دخل وسد معاك باب البيت راه كين البرد
رضوان [وهوا كيسد الباب] : كين سّمر [حيد صباطوا ودخل تخشا حداها فالمانطا] كبي ليا آتاي
سميرة : ايه هيا اللولة• كبات ليه آتاي ومداتوا ليه ، شدوا من عندها وبدا كيشرب منوا وكيسخن بيه يديه ، بقاو مدة وهوما ساكتين حتا نطقات سميرة...
سميرة : ولدي والله مكرهتك تزوج وتعمر عليا دار بولادك ، شوف كيفاش وليت باركة نهار كلوا غير بوحدي
رضوان [تنهد وشاف فيها] : قلبي على شي بنت ناس ومرحبا
سميرة : ولكن انا بغيتك نتا تكون راضي عليها ماشي نجيبها ليك ونظلمها مسكينة
رضوان : متخافيش معند ميطرى ليها غادة تعيش بخير وبدكشي لي مقسم علينا الله
سميرة [وهيا كتأكد هضرتها عليه] : يعني صافي غير نشوف ليك شي بنت ياك
رضوان [حط الكأس وناض] : اه غا شوفي
سميرة : فين غادي
رضوان : غادي نخرج• لبس فرجليه وخرج وسد عليها الباب ، دار يديه فجيابوا وخرج من الدار وهوا معارف فين غادين بيه رجليه ، بقا غادي كيتمشى وسط داك البرد لي كيطير وتفكيروا كلوا فأنه خاصوا ينسى غيمة حيت ولات مرأة مزوجة...
رضوان [هز راسوا لسماء وتنهد] : ياربي بعدها من قلبي وتفكيري خليني نعيش مرتاح
• نزل راسوا وتم غادي وهوا مواعيش على راسوا فين غادي ولا لرجليه لي غادين بيه وسط هاد ظلمة لي كان فقط ضوء القمر لي موضحة ليه شوية رؤية ، بقا غادي حتا بعد بزاف على دار تاعهم وبدا غادي داخل وسط شجر لي كتير ، غير وعى على راسوا وهوا يوقف كيشوف فالمكان...
رضوان : أعوذ بالله من الشيطان الرجيم انا شنو جيت ندير هنا
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...