بين الثراء والبادية

الحلقة 115

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 115
• خرجوا بجوج بيهم لعند خديجة ولبنات لي كانوا واقفين برى كيتسناو فيهم يخرجوا باش يمشيو كاملين...

خديجة : اويلي اغيمة مالك مزال ما لبستي
غيمة : ما خلانيش لهاشمي نمشي معاكم
زينة : هضري معاه ايِّما قوليه يخليها تمشي
خديجة : بنتي غيمة غير بقاي فدار اصلا حنا كتار ومجاتش نمشيو كلنا والله انا مكرهتش وحدة من لبنات تبرك راه حشومة نمشي عند المرأة كلنا
غيمة [ميلت راسها لجنب وتكلمت] : صافي غا سيروا ماشي مشكيل

• تحركوا كاملين وخلاو غيمة لي دخلات وسدات لباب ، مشات بركات فالمراح وحطات حنكها على يدها بملل ، بعد مدة من تفكير بتاسمت بشر ودخلات لعند لهاشمي للبيت ، بركات حداه وطلات عليه بشوية كتأكد منوا واش ناعس ولا لا...

• بعدما تأكدات بلي راه ناعس مشات هزات بشوية لاتروس تاع المكياج تاعها وبركت حداه ، جبدات المعدات وبدات كتخربق ليه فوجهوا بشوية وبلاما تخليه يفيق ولا يعيق بيها...

• هزات الآيلاينر وبدات كترسم ليه فوجهوا بشوية ، دارت دوائر كبار على عينيه وجوج مثلتات فجبهة تاعوا ودائر فنيفوا ، هزات لعكر ولونات بشوية المثلتات ودوائر وفكل مرة كتحبس فاش كتشوفوا كيتحرك...

• بعدات شوية وهيا كتشوفيه وضحك على المنظر تاعوا ، هزات المرآيا وعكرات فمها بعكر حمر وبعد تردد كبير منها قربات ليه وطبعات قبلة فجبهتوا حتا تطبع شكل فمها ، بعدات شوية عليه مني شافتوا كيتحرك لجيهة لخرى...

• خلاتوا حتا تقاد فبلاصتوا ورجعات ضارت من جيهة لخرى وعودات عكرات فمها وطبعت قبلة خرى فحنكوا ، بتاسمات وهيا مبعدة منوا وبعد تفكير طويلة منها رجعات عكرات فمها وبدات كطبع قبّل كتيرة فوجهوا بكل جرأة منها...

   ▪︎ عند خديجة ولبنات لي كانوا وصلوا لعند دار سعاد لي كانت كبيرة تبارك الله ، رحبات بيهم ودخلاتهم لواحد صالون كبير مفرش فراش تقليدي بالإمتياز...

سعاد [وهيا كتشالي بيديها لي فيهم ذهوبات] : مرحبا بيكم
خديجة [بإبتسامة] : ترحب بيك جنة
سعاد [وهيا كتشوف فنورة] : شكون هاد طفلة لي جبتي معاك
خديجة : هادي مرت ولدي عزيز راها بنت سميرة
سعاد : شكون سميرة واش لي عندها رضوان
خديجة : ايه هيا هاديك
سعاد : تبارك الله كبارات وزيانت
خديجة : اوا على ولدي خيب باش يدي الخيب
سعاد : حاشا وليداتك كلهم زوينين
خديجة [حطت يدها على ظهر زينة] : وراه تا بنتي زينة قريبة تزوج وجينا باش نشوفوك واش غادة تبقاي هنا حتا تحضري للفرح تاعها
سعاد [جمعات الوقفة ووقفت] : تسناوني نمشي ندير المقراج يسخن ونجي نكمل معاكم الهضرة
خديجة : لا غا بركي حنا مجينش على قبل هدشي راه بغينا غا نعرفوا واش غادة تحضري للفرح ونمشيو
سعاد : ابركوا بلاتي معندكم فين غادين راني باركة غا بوحدي ولدي كريم خارج وانا بقيت راسي ونتوما جابكم ليا الله تونسوني ، وصبروا عليا ندير الماء يسخن ونرجع

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎