بين الثراء والبادية

الحلقة 56

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 56
• هزات يامنة عينيها بعدما سمعات كلام نورة وهيا مصدومة من هدشي لي كتشوف ولي عمرها توقعت انه ممكن يجي شي نهار وتشوفوا...

سميرة [بإبتسامة] : مالك انورة بنتي واش مقالتش ليكم خديجة بلي راه جايين نخطبوا يامنة

• على رضوان راسوا وهوا كيشوف فالأم تاعوا والهضرة لي كتقول ، رجع نظروا لغيمة لي كانت كتبان من ملامحها مفاهمة ورجع نظروا ليامنة لي كانوا عينيها مغرغرين...

رضوان [رجع نظروا للأم تاعوا بعدم فهم] : كيفاش يامنة علاش كتهضري امِّي
سميرة [ضحكت كأنها كتحاول تلطف الجو] : يامنة اولدي لي قلتي بلي باغي تخطبها
رضوان : لا انا مباغيش يامنة انا كنت باغي غيمة وهيا لي جيت على قبلها

• دخلات يامنة للبيت تاعها كتجري وسدات الباب وهيا كتبكي وخلاتهم برى حتا حد مفاهم شي حاجة...

خديجة : ولكن اولدي غيمة راها معطية
عزيز [وقف وهوا كيغوت] : نوضوا خرجوا نوضوا ، خرجوا حسن من أدي شي حد منكم
نورة [قربات لعندوا كتحاول تهدن فيه] : عزيز سكت خلينا نقادوا هدشي
عزيز [شاف فيها وهوا كيغوت وكينعت على للبيت تاع يامنة] : اش غادين نقادوا اش غادين نقادوا شوفوا يامنة كيفاش دخلات كتبكي [ضار كيشوف فرضوان] واش كتصحب ختي لعبة ولا شنو مني نتا باغي غيمة لاش اصلا خليتي ختي طامعة فيك
نورة [شداتوا من ضراعوا] : راك فهمتي الموضوع غلاط
خديجة [وهيا قلبها كيطلع وينزل من الخوف] : عزيز ولدي عفاك حبس بلاتي
عزيز [خنزر فرضوان وهوا كيغوت] : خرج راه قلت ليك خرج من دارنا
سميرة [شدات رضوان من يدوا غادة خارجة بيه] : يله زيد نخرجوا

• خرجات سميرة ورضوان من عندهم انا خديجة فطاحت باركة وهيا حاطة يدها على راسها ومفاهمة والو...

نورة [مشات جابت جلابتها من لبيت دغيا ولبستها] : عزيز انا غادة نمشي معا يِّما باش نفهم اش هدشي واقع صافي
عزيز [لي كان حاط يدوا على راسوا] : سيري وفالليل غادة نجي ليك

• خرجات نورة كتجري تابعة خوها والأم تاعها بعدما لبسات عليها جلابتها ودارت زيفها ولبسات فرجلها...

• اما فدار عندهم كان الجو مكهرب وسكات حاتل المكان حتا هضر عزيز بالغوات وهوا كيشوف فغيمة...

عزيز [بالغوات] : على الأقل غا سيري لعندها شوفيها مالها ونتي واقفة علينا تقولي ماشي نتي سباب فهدشي كلوا من نهار جيتوا مشفنا نهار رباح

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎