بين الثراء والبادية

الحلقة 28

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 28
• مشات يامنة للكوزينة باش دير دكشي لي قالت ليها خديجة وخلاتهم باركين ، غيمة كانت مرة مرة كتقيس لحمها لي دارت ليه الحنة ومزال مغسلاتش باش تحيدها...

غيمة : خالتي واش الحنة مغادينش نغسلوها من لحمنا
خديجة : لا غادي تبقا حتال نهار رابعة عاد كتعوموا معا العروسة ، راه من تقاليدنا انه لعروس ولبنات لي كيكونوا معاها كيديروا الحنة للحمهم لمدة تاع تلتيام وكيبقاو يخليوها فلحمهم حتا تنشف وكيسوسوها وينوضوا عادي وفنهار رابعة كيعوموا معا العروسة
غيمة : يعني غادة نبقى هاكا تلتيام كلها
خديجة : اه
يامنة [رجعات بركات فبلاصتها] : يِّما راه الكوكوط خاوية يعني راهم جاو تغداو ومشاو
وخديجة : اوا انا غادة ننعس شوية ومني يأذن العصر دوز شوية وفيقوني نطيب ليهم مياكلوا مني يجيو [شافت فزينة] ونتي متمشي فين راه واخا يجي لهاشمي مغاديش نخليك تمشي
زينة : ولكن هوا قاليا غادي يجي يديني
خديجة : الى جا فيقوني ليه

• مشات خديجة دخلت باش تنعس وخلاتهم باركين مجمعين وكيهضروا على دكشي لي طرى عند سميرة حتا نطقت غيمة لي كانت غا ساكتة...

غيمة : خاصكم تعلموني نشطح
زينة : علاش مكتعرفيش ؟!
غيمة [هزت راسها بلا] : لا مكنعرفش
يامنة : صافي دابا نعلموك غا كوني هانية

• بقاو هاضرين ومجمعين حتا وصل الوقت ومشات يامنة فيقات خديجة لي ناضت ومشات طيبات لعشا وخلات لبنات كيجمعوا فدنيا وبعد مدة قصيرة دخلوا رجال...

خديجة : سلام عليكم
بوشعيب : وعليكم السلام وقولي لزينة تخرج راه لهاشمي كيتسناها برى
خديجة : تا هوا مالوا مكيدخلش
بوشعيب : قالك زربان باغي يمشي جا باش يدي غا زينة ويمشي
خديجة : انا خارجة عندوا نتفاهم معاه

• دخلوا رجال وبركوا وهونا عيانين اما خديجة فخرجات برى عند لهاشمي لي كان واقف كيتسنا زينة تخرج عندوا...

خديجة : سلام اولدي
لهاشمي : وعليكم السلام [كيشوف وراها] فينها زينة
خديجة : غا سير وخليها معانا راه غادي يدار الفرح وبغيتها تبقى معا لبنات
لهاشمي : لا منقدرش نخليها
خديجة [خنزرت فيه] : وعلاش بسلامة
لهاشمي : اخالتي راها هيا لي معمرة عليا دار مني نمشي ونخليها ليك اشنو غادة نمشي ندير انا فدار راسي انا ، راه هيا لي مبركاني تم
خديجة : مبقى قد مفات وغادة تمشي عند راجلها ودار لي معمرها بيها غادة تخوى عارف ولا لا
لهاشمي [نزل راسوا] : عارف عارف
خديجة [شدت ليه فيدوا] : اوا تزوج ليك بشي بنت ناس وعمر دارك بيها وبولادك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎