بين الثراء والبادية

الحلقة 77

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 77
   ▪︎ فالصالون عند لهاشمي لي كان بارك بعيد على غيمة بمسافة هز راسوا فيها بانت ليه حانية راسها وكتلعب بيديها فخصلات تاع شعرها لي كانوا خارجين من زيف ، بتاسم وهوا كياخد نظرات كتيرة فكل انحاء جسمها ، من عينيها لي كانت حاضراهم ومحققش فلونهم حتال رجليها لي كانت كتحركهم بتوتر ، توسعت الإبتاسمة تاعوا كتر وكتر مني هزات عينيها فيه بعدما حسات بنظرات تاعوا...

غيمة [وهيا كتفرك فيديها] : علاش كتشوف فيا
لهاشمي [ميل راسوا لجنب بإبتسامة] : كنحس براسي محظوظ بزاف بأنه الله رزقني بيك

• نزلت راسها وترسمت على شفايفها ابتسامة لي كانت كتحاول متبينها ولكن لمشاعرها كان رأي اخر ، سرطت ريقها وهيا كتحاول تبان عادية وانه كلماتوا مأثروش عليها ، وقفت وهيا كتفرك فيديها بتوتر وكتحاول متحطش عينيها فعينيه لي مبعدوش عليها...

غيمة : غادة نمشي نشوفهم واش خاصهم لي يعاونهم

• تمات غادة كتزرب وهيا كتعتر فجليلها بدون متسنا جوابوا ليها ، مشات لعندهم لكوزينة بزربة بعدما كانت كتحس بنظراتوا ليها تابعينها ، وققت قدام لباب وضارت كتشوف وراها وهيا كتنفس بالزربة من بعد قادات شالها ونشات على راسها بيديها ودخلات لعندهم...

غيمة : واش خاصكم شي عوين اخالتي
خديجة [ضارت كتشوف فيها وهيا مخنزرة] : اش جاية ديري نتي هنا سيري بركي حدا راجلك
غيمة : راه جيت نعاونكم
خديجة : غا سيري حداه وبركي حنا كملنا كلشي
غيمة : غير خلوني حداكم باركة
سميرة : لا ابنتي غا سيري حداه وبركي
خديجة : سيري حدا راجلك وبركي ابنتي الله يرضي عليك
زينة [غمزتها وهيا كضحك] : اش قالك تا هربتي امم قولي

• ولات حمرة نتيجة الإحراج لي حسات براسها طاحت فيه خرجت بدون متكلم وقفت متكية على الحيط وهيا كتحاول تهدن راسها باش متبقاش تحس بالإحراج مني دخل حداه ولكن لحسن حظها دخل سعيد وشافها...

سعيد [قرب لعندها بخوف] : غيمة بنتي مالك
غيمة [سرطت ريقها وشافت فيه] : ممالي والو ابابا واش جيتي صافي غادين نمشيو
سعيد [وهيا كيضحك] : صافي دغيا بغيتي تمشي لدار راجلك وتفكي منا
غيمة [بتاسمات وهيا كتلطف الجو باش متبنيش احراجها] : لا غير عيت وبغيت نعس
سعيد [طبطب ليها على كتفها] : سيري غوتي عليهم باش نخرجوا وتمشي ترتاحي
غيمة [هزات راسها بأه] : اه واخا اما غادة نكلمهم

• رجعات غيمة لعندهم لكوزينة وهيا كتحمد الله وتشكروا حيت حط فطريقها الأب تاعها ، شافت فيهم وقبل متكلم هضرت خديجة...

خديجة : ياك قلنا ليك سيري بقاي باركة حدا راجلك
غيمة : وراه بابا جا باش يدينا وقاليا نجي نكلمكم
خديجة [ناضت وقفت] : اه واخا هانا جايين

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎