بين الثراء والبادية

البارت 45

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 45
• مشاو لهاشمي معا رجال اما خديجة وزينة فدخلوا عند نورة ويامنة لي كانوا باركين كيفطروا بجوج... مشاو بركوا حداهم بجوج وبركوا حتا هوما كياكلوا معاهم...

خديجة [شافت فيامنة] : واش غيمة مزال ناعسة
يامنة : اه راها باقا ناعسة
خديجة : شوية وفيقيها باش تنوض دوش وقولي ليها تقاد راسها راه لهاشمي غادي يجي يتغدا معانا وبغيتهم يبركوا يهضروا بجوج
يامنة : صافي واخا غا نتوضى ونصلي ونمشي نفيقها
زينة [شافت فخديجة وهيا فرحانة] : عرفتي ايِّما خديجة حتا فرحت فاش عرفت بلي لهاشمي غادي يتزوج واكترية مني عرفت بلي غادي يتزوج من غيمة
يامنة [غمزتها وهيا كضحك] : نهار تعرف ديك لفعة بلي راه غادي يتزوج تصطى
خديجة [بعدم فهم] : شكون هادي لي هاضرين عليها
زينة : غا بنت ضاوية
خديجة : على مالها حاطة عليه العين
زينة : ومن شحال هادي
خديجة : وهوا باغيها ولا لا ؟!
زينة : واقيلا لا حيت كون بغاها كون مشا خطبها
خديجة : اه معاك الحق اوا دابا نوضوا خلاص جمعوا روينة انا غادة عند سميرة ونرجع
يامنة : واخا ايِّما

• ناضت خديجة لبسات جلابتها وزيفها وخرجات وخلاتهم باركين كيجمعوا فدار وروينة لي كاينة...

   ▪︎ عند سعيد ولهاشمي لي كانوا واقفين بجوج على الخدامة باش يكملوا شغلهم دغيا ، كان سعيد متردد بشنو يفتح معاه الموضوع ولكن يتوكل على الله ويهضر...

سعيد : هضرت معايا خديجة ختي وقالت ليا بلي راك موافقة على زواجك من بنتي
لهاشمي [شاف فيه بإبتسامة] : اه صافي راه قاديت شغلي معا ختي والفلوس لي خاصة كلها يعني مبقى عندي علاش نأجل زواج دكشي باش وافقت
سعيد : اه عرفت وراه مني قالتها ليا خديجة مشيت هضرت معا بنتي
لهاشمي [ركز فهضرتوا كتر كأنه باغي يسمع شنو قالت] : واشنو كان قرارها
سعيد : راها وافقت
لهاشمي [بتاسم وهضرة بإرتياح] : اذا صافي راه كلشي دابا راه مزيان حمد الله نقاد اموري وديك ساعة يدار العرس
سعيد : راه هدشي لي جيت نهضر معاك فيه بصارحة بغيت زواج يكون فأقرب وقت حيت خاصني نمشي لداري حيت تابعاني شلا خدمة فشريكات وبغيت نطمن على بنتي عاد نمشي
لهاشمي : اه معنديش مشكيل شوفوا الوقت لي يبان ليك مناسب ويدار فيه الفرح
سعيد : وحاجة الأخيرة لي بغيت نقولها ليك
لهاشمي : مرحبا قول اعمي انا كنسمعك
سعيد : مبغيتكش نهائيا تجبد حس انه انا عندي شركات ولا اصلا باقي عندي الفلوس حيت غيمة هدشي معارفاهش هيا عند بالها بلي كلشي مشا ليا
لهاشمي : مبغيتيش نجبد ليها حس هدشي ونكدب عليها حتا انا
سعيد : ماشي غادي تكدب عليها ولكن هدشي راه لمصلحة تاعها وانا نهار يبان ليا وقت المناسب غادي نقوليها شنو
لهاشمي : صافي واخا كون هاني مغادي نقوليها والو

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎