بين الثراء والبادية

الحلقة 88

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 88
• بقات باركة فوق ناموسية وهيا كتفكر فدكشي لي وقع ولي كل مرة كتفكر شنو دارت كتعير راسها مية ومية مرة ، بقات كتبكي لمدة حتا ولات كتحس بعينيها كيضروها بسبب انها طيبتهم بالبكاء وبكل مرة تمسحهم من دموع لي كيعمروا بيهم...

• ناضت وقفات ومشات كتشوف فراسها فالمرآيا ، بدات كتنش على راسها البرد باش وجهها تخفاف منوا الحمورية ويرجع اللون تاعوا الحقيقي ، خدات زفير شهيق ومشات رجعات بركات فطرف ناموسية وهيا كل تفكيرها معا لهاشمي لي مكينش فدار....

غيمة [ضارت كتشوف فالباب] : ياربي غير خليه يرجع صافي هاد المرة منقول ليه والو

• بعد مدة سمعات الباب تاع برى تحل تقادات فالبركة وهيا كطلع نفس وتهبطها وكتسناه يدخل للبيت ، تسناتوا المدة لي طويلة ولكن متفتحش الباب تاع البيت شي لي خلاها تمسح عينيها وشعرها وتنوض تخرج تقلب عليه برى...

• قلبات عليه فالمراح وقلبات فالكوزينة وعاد مشات خلات لبيت تاع زينة وملقاتوش ومشات وقفات حدا البيت لاخر وهيا مترردة واش تحلوا والى لقاتوا فيه شنو تقوليه ، حطات وذنها على الباب وسمعات التحركات تاعوا فالبيت ، هبطات عينيها لتفحة تاع الباب وبدات حاضياه ، بان ليها مشا تكا فوق ناموسية على ضهروا وهوا حاط يدوا فوق راسوا وكيشوف فسماء...

• رجعات لور شوية وخدات شهيق زفير وحتا كانت غادي تحل لباب ودخل وقررات ترجع للبيت افضل ليها وليه ، ودكشي لي كان رجعات لبيتها وحيدات تليفون من شارج وبدون متشعلوا حطاتوا حداها وتكات وهيا كتفكر فدكشي لي وقع...

       •"أصبحنا وأصبح الملك لله"•

• حلات عينيها بشوية وهيا كتحس بأشعة شمس ضاربة ليها فيهم ، حطات يديها على راسها كتخفي ضوء تاع شمس باش تقدر تحل عينيها ، بركات فوق ناموسية وهيا كتحك على راسها سرعان متفكرات احداث البارح شي لي خلاها تنوض قافزة وتخرج من للبيت وهيا كدور فراسها كتقلب عليه...

• خلات لبيوتة كلهم ومشات للكوزينة لقات الفطور واجد فوق واحد طبلة صغير محطوطة فجنب وحدا سينية واحد الورقة ، هزات الورقة تقراها هيا مستغربة من شكون يكون كاتبها...

" ها الفطور فطري ومطيبيش الغداء غادين نمشيو نتغداو عند خالتي خديجة راه قالها ليا عمي بوشعيب ومتحليش الباب الى كان شي راجل "

• عقدات حواجبها مني تأكدت بلي هوا لي كاتبها وبلي هوا اصلا كيعرف يكتب ولا يقرى هبطات عينيها فالفطور لي كان عبارة عن سينية تاع آتاي وقرعة فيها زين ومحطوط حداها طبسيل والخبز تاع البارح...

غيمة : كيعرف يقرى ويكتب من فوق هدشي كلوا حادك عليا [بركات فوق الكرسي لي حدا طبلة] اصلا مكنتش غادة نعرف نطيب شي حاجة [هزات الخبز كتاكل] خاصني نتعلم حيت باركة عليا غير زبلة تاع البارح

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎