بين الثراء والبادية

الحلقة 32

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 32
• تحركات وتحركوا فجنبها البنات اما رضوان فبقا حاضيهم بعينيه حتا سمع صوت سميرة كتغوت وتنعت على لغنم...

سميرة : شد شد راه الغنم غادي يهرب
رضوان [وهوا كينيش عليهم باش يرجعوا حدا خوتهم] : لا متخافيش هاهوما
سميرة [ضارت كيشوف فين كيشوف] : تا مال عينيك مبغاوش يحبسوا من دوران
رضوان [شتت نظر تاعوا] : لا والو حيدي من الباب خليني ندخلهم

• بعدات من الباب وراسمة على فمها نصف ابتاسمة ، دخل لغنم لبلاصتوا ومشا دخل باش يبدل ، اما عند خديجة لي كانت وصلات لدار هيا والبنات وبركوا رتاحوا ليهم شوية من بعد ناضوا يقديو شغلهم...

    •"تسريـــع الأحــداث"•

  ▪︎ دازوا الأيام كلهم غير مبين شقا دار وتوجاد للفرح ، كملوا ربعيام تاع لحنة ونهار الخامس عوموا البنات العروسة وعاموا معاهم والعيالات كملوا تنقية تاع زرع ، ونهار الخامس طحنوا زرع...

• واليوم هوا نهار الفرح فاقوا البنات والعيالات تاع دوار لي غادين يعاونوهم بكري ووجدوا لعروسة ولبسوها وقادوا فين يبركوا رجال وفين يبركوا العيالات وبداو كيحنيو لعروسة ولبنات لعزبات كلهم...

• اما غيمة كانت مكتفية فقط تشوف هاد الأجواء لي عمرهت عاشتهم من قبل كتحاول تأقلم واخا حياتها لقديمة توحشتها ، ومكرهتش يرجع زمان وتعاون باها فكلشي ومتخليهش يوقع ليه هاكا ، وسط تفكيرها هضرات معاها خديجة لي كانت واقف وهيا هازة سينية فيها طاسة فيها الحنة لي حنات منها العروسة...

خديجة : حلي يدك اغيمة ندير ليك الحنة
غيمة : لا مبغيتش
تي حلي ندير ليك الحنة تاع العروس باش يحن عليك الله

• عطاتها يدها ودارت ليها دوارة فيها ومشات كملات لبنات لخرين من بعد تمات غادة خارجة ورجعات شافت فغيمة...

خديجة : اجي هزي معايا اغيمة نتي لي يديك خاوين لخرين راهم دايرين لحنة مغاديش يصيبوا يعاونوني
يامنة : مي انا راها بدات كتنشف ليا انا نجي نعاونك
خديجة : حيديها وتبعينا [شافا فغيمة] يله معايا

• ناضت غيمة مشات معاها اما يامنة فحيدتها وتبعتهم كتجري للكشينة ، دخلت لعندهم كانت سميرة وشي عيالات كيطيبوا باركين تم...

خديجة : لعيالات شوية وناس غادين يبداو يتجمعوا خفوا راسكم شوية
يامنة : يَّما حنا قاش بغيتينا
خديجة : عرفتوا شنو سيروا لدار ياكوا وجبدي ايامنة بنتي ليزار لمطرز راه نسيتوا فدار واش عرفتيه داك لي فيه مطرز بالخضر
يامنة : اه عرفتوا ايِّما

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎