بين الثراء والبادية

الحلقة 29

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 29
• دخلوا رجال وبركوا وهونا عيانين اما خديجة فخرجات برى عند لهاشمي لي كان واقف كيتسنا زينة تخرج عندوا...

خديجة : سلام اولدي
لهاشمي : وعليكم السلام [كيشوف وراها] فينها زينة
خديجة : غا سير وخليها معانا راه غادي يدار الفرح وبغيتها تبقى معا لبنات
لهاشمي : لا منقدرش نخليها
خديجة [خنزرت فيه] : وعلاش بسلامة
لهاشمي : اخالتي راها هيا لي معمرة عليا دار مني نمشي ونخليها ليك اشنو غادة نمشي ندير انا فدار راسي انا ، راه هيا لي مبركاني تم
خديجة : مبقى قد مفات وغادة تمشي عند راجلها ودار لي معمرها بيها غادة تخوى عارف ولا لا
لهاشمي [نزل راسوا] : عارف عارف
خديجة [شدت ليه فيدوا] : اوا تزوج ليك بشي بنت ناس وعمر دارك بيها وبولادك
لهاشمي [هز راسوا فيها] : راه ماشي مباغيش ولكن حاليا منقدرش
خديجة : شنو لي مانعك
لهاشمي [تنهد وهوا كيشوف لبعيد] : بزاف تاع لحويج واولهم انه باغي حتا نزوج ختي ونقادها فدارها وديك ساعة نشوف راسي
خديجة : حتا تشرف نتا عاد ديك ساعة شوف راسك ، فخبارك راك كظلم راسك بسباب انك باغي تعيش ختك وناسي راسك ، انا مقلتش ليك نسا ختك ولكن حتا نتا خاصك تشوف راسك اشنو فيها لتزوجتي قبل متزوج ختك اصلا

• كانت كتهضر معاه وهوا حاني ليها راسوا وكيسمع ليها بكل تمعن ، وكل هضرة كتقولها كيحاول يفهمها ويعرف بلي راها فقط باغا ليه الخير...

لهاشمي : اخالتي راه مفيها والو اه ولكن انا معنديش باش يمكن ليها نتزوج ونزوجها نتي عارفة مزيان مصاريف هدشي شحال غالي
خديجة [ضربتوا على كتافوا] : على حنا ميكينيش باش نعاونوك نتا وهيا
لهاشمي : لا انا مباغي مساعدة من حتا حد
خديجة : غادي تقلقي منك والله واش حنا اي واحد نتا راك ولدي وهيا بنتي ، وراه انا وبوشعيب كيما جامعين فلوس لدهاز يامنة مني كانت صغيرة حتا زينة جامعين ليها وغير مبغيتش نعطيها ليك دابا قلت نخلي حتا تحددوا العرس حيت كنشوف بلي موسى مزال معطل ونتا مستحيل تعطيها ليه دابا
لهاشمي : اه منقدرش نعطيها ليه وهوا مزال مدار حتا فين يسكنها
خديجة : اوا هدشي علاش هضرت وقلت ليك خاصك نتا تزوج ومني هيا يوصل الوقت تاعها غادي تزوجها وتكون مطمأن عليها
لهاشمي : يكون خير
خديجة : مغادي يكون غا الخير ان شاء الله غا هيا هضرتي ماشي تلوحهها وتنساها
لهاشمي : لا هضرتك على راسي وعيني
خديجة : اوا شنو دابا نقلب ليك على شي بنت [وهيا كضحك] مسولتكش واش حاط عينك حيت عارفة محاط عينك على حتا وحدة
لهاشمي : ايه معاك الحق [صغر فيها عينيها] ونتي غا جي وقولي ليا شكون هاد البنت لي باغا تزوجيها ليا راني عارف بلي عارفاها شكون ماشي يله غادة تقلبي
خديجة [وهيا كضحك] : فصارحة انا راه لقيت هاد لبنت وراها شهوة منها متعزل مبين البنات غا هيا
لهاشمي : مكيهمنيش زين اخالتي كتر مكيهمني تكون رزينة وتخاف الله
خديجة : غادي تعجبك وبلا هدشي اولدي لعيالات كلهم راهم غا عجينة وعلاشما عجنتيهم غادين يكونوا ، يعني نتا كلشي ديروا فيدك
لهاشمي : وشكون هاد لبنت
خديجة : بنت خويا سعيد
لهاشمي : موهيم انا كنتيق فيك ولي درتيها انا معاك
خديجة [بإبتسامة رضى] : صافي يدوز عرس عزيز ونتا اللول نبالي بيك
لهاشمي [وهوا كيضحك] : صافي ديري لي بغيتي موهيم بغيت نمشي دابا عندي منقدي وتهلاي فزينة صافي
خديجة : راه بنتي واش غادي نفرط فيها موهيم تسنا بلاتي متمشيش حتا نجي

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎