🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 119 • خلاها واقفة مصدومة كتفكر فهضرتوا لي قال وخرج من البيت ، بدات كدور عينيها وبعد ثواني تبعاتوا كتجري للكوزينة...
غيمة [وهيا كتنعت على لبيت] : تا هدشي لي قلتي ليا لهيه بصح ؟! لهاشمي [ضار لعندها وهوا كيشوف فيها] : لي قلت ولا لي قلت ؟!
• خنزرات فيه وتمات غادة مقرّرة انها تمشي وضحي باش متعرفش سؤال لجوابها حسن من انه يشدها ، قبل متخرج من الكوزينة شدها من ضراعها وجرها لعندوا حتا تضربات معا صدروا ، حط يدوا على شعرها وبدا كيمرر يدوا عليها ، بعّد ليها بعض الخصلات على وجهها وضارهم ورى وذنها ، هبط يدوا بشوية حتال ذقنها وهز ليها بيه وجهها حتا تقابلوا عينيهم معا بعضياتهم...
لهاشمي [وهوا هايم فعينيها] : انا متفهم بلي راك مكتعرفينيش مزيان وبلي حشمانة مني وبلي متقدريش دغيا تولفي عليا ولكن حتال إيمتا غادة تبقاي معايا على هاد شكل ؟! [مرر الإبهام تاعوا على شفايفها] الى بقينا بحال هاكا عمرك غادة تولفي عليا ولا نولف عليك
• بقا ساكت لثواني كيتسنا الجواب تاعها ، طول شوفة فعينيها كيحاول يعرف جوابها منهم عواض يسمع جوابها من فمها ، ميل راسوا لجنب وحيط يد على خصرها ويد على عنقها مقربة ليه كتر وكتر حتا تخالطوا أنفاسهم معا بعض وهوما فقبلة عربية شرقية أصيلة...
• بقاو مدة وهوما على داك شكل ، بعد عليها شوية حتا لتاقطات أنفاسها ورجع على نفس موالهم وهوا هازها بين يديها وغادي بيها للبيت ، دفع الباب برجليه ودخل ، حطها فوق ناموسية وهوا مقاطعش قبلتهم...
▪︎ عند خديجة ولبنات لي كانوا باقين باركين معا سعاد كيشربوا فآتاي ويتحتوا معاها فشنو وقع فدوار وشكون ما/ت وشكون مزال وعلى كل واحد شنو دار فهاد المدة حتا دخل عليهم ولد لي ملامحوا هادئة وبريئة...
• كان عندوا شعر خفيف كحل فراسوا ولحية لي مطراسية بالنفس اللون تاع شعروا ، كان لابس فوقية وهازها بيديه من القدام ، دخل عندهم وهوا راسم إبتسامة خفيفة على وجههوا ، مشا باس اليد تاع سعاد وعاد مشا سلم على خديجة وبرك حداهم وهوا متكي على المخاد وشاد وحدة قداموا....
