بين الثراء والبادية

الحلقة 125

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 125
• نزلات عينيها وهيا كتحاول تجمع بتسامتها لي بدات كتوسع شوية بشوية ، حط يدوا على ذقنها وهز ليها راسها بشوية حتا تقابلوا عينيهم ، ميل راسوا لجنب وطبع قُبلة خفيفة على شفايفها...

• غمضات عينيها وهيا كتحس بأنفاسوا قريبة ليها بزاف ، بعّد عليها شوية كيشوف فيها كيفاش مغمضة عينيها أما هيا فراها فتحات عينيها حتا تلاقاو عينيهم بجوج ، كانوا عينيهم كيحكيو بزاف تاع الحويج لي حتا حد مقادر يعتارف بيهم للاخر...

• بعدات عليه شوية وهيا منزلة راسها وكتحاول تنضم تنفس تاعها وتبعد توترها لي باقا كتحس بيه من قربوا زايد ليها...

لهاشمي [وقف باغي يخليها راسها] : انا غادي نمشي نجيب قرعة الماء والكأس باش نشربوا
غيمة [هزات ليها راسها بأه] : أه واخا

   ▪︎ عند سميرة لي خرجات من بيتها وسدات الباب بشوية وهيا هازة بانيّو فيه شوية تاع الماء وزيف ، شافت فرضوان لي كان واقف وكيتسناها تخرج...

رضوان : واش هيا بخير ياك ما ما.تت ما والو
سميرة [وهيا غادة جيهة الكوزينة] : برى والبّاس عليها راها غير سخفانة حيت مشا منها د.م بزاف وراني داويت ليها رجلها وحبست ليها د.م مبقاش كيسيل وبدلت ليها حويجها وحطيتها ترتاح مني تفيق راه نقولها ليك اولدي
رضوان [تنهد وتبعها] : وايمتا تقدر تفيق
سميرة [حطات دكشي من يدها ومشات بركات] : معرفتش ولكن راها غادة تفيق ، اجي نتا فين لقيتيها
رضوان : عرفتي لخر تاع دوار تقريبا زدت غا شوية تا دخلت فشجر وانا نلقاها تم
سميرة [سرحت لبعيد وهيا كتحرك فراسها] : علام الله كيف دارت تا جات لتم [هزات فيه عينيها وبتاسمات] وماشي مشكيل مني تفيق هيا تقول لينا كلشي ودابا اولدي سير رتاح ليك نعس ومني تفيق هيا راه نقولها ليك
رضوان : صافي واخا

• مشا للبيت تاعوا باش ينعس ويرتاح ليه وحتا سميرة قادات الكوزينة ومشات للبيت تاعها تطمنات على البنت وشافت واش الحرارة تاعها عالية ولا ومن بعد مشات فرشات فالأرض وتكات نعسات...

    ▪︎ عند لهاشمي وغيمة لي كانوا كملوا عشاهم وجمعوا طبلة وقادوا الماكلة وخشاوها فالثلاجة وحتا الماعن غسلوهم بجوج بيهم وسط ضحك ورشان الماء على بعضياتهم شي لي خلا غيمة وتزيد تطلق معاه كتر وكتر...

غيمة [وهيا كتمسح فيديها] : اول مرة نغسل الماعن
لهاشمي : ومغاديش تكون اخر مرة موهيم دابا سيري لبسي شي حاحة سخونة ويله نخرجوا شوية
غيمة [خرجات فيه عينيها] : اويلي فهاد الليل
لهاشمي [قرب معنقها من كتافها وبدا كيرسم ليها فالهوى] : تخيلي معايا كينة وحدة مرات واحد شخص واعر بزاف وكيخافوا منوا بزاف تاع ناس وهيا خايفة انها تخرج معاه فالليل

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎