🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 3
غيمة [وهيا باقا معنقاه] : متبقاش تفكر هاكا
سعيد [هز راسوا شاف فيها] : يله معايا لمعامل تاعنا باش تعلمي وتعرفي كيفاش كنخدكم ولا نتي غير قريتي دوك الأعوام على الهندسة زراعية وصافي بركتي للأرض ، شكون غادي يبقا محافظ على دكشي مني نمو/ت انا...؟!
غيمة [مشات هزات ساكها وهيا كتنفخ] : اووه ابابي المو/ت المو/ت صافي علاش ديما جابد فمك الموت وانا ابابي مكيعجبنيش دكشي• هزات يديها كتوريه فظفرانها لي مصاوبة ومصبغاهم باللون الأبيض وفيهم وريدات باللغوز...
غيمة : شوف ابابي واش انا نمشي نخسر ظفراني تم [حركات ليه راسها بنفي وهيا كتحرك فصبعانها بلا] نو نو ميمكنش ليا نو ابابي
سعيد : الله يهديك ابنتي والله حتا غادي نمشي وانا ممطمنش عليك
غيمة : بابي حبيبي راك باقي غادي تعيش معانا والمو/ت حيدوا من فمك بليز ابابي
سعيد : اوك واخا المو/ت نحيدوا من فمي وايمتا غادي تبقاي معولة عليا ؟! زعما انا منبركش شوية ونرتاح ونتي تكلفي بالخدمة
غيمة [وهيا كتنفخ] : اووه ابابي عيت والله واش نفس الهضرة كل مرة صافي انا عرفت مبغيتيش تعطيني الفلوس اوك صافي انا مبغيتهمش ومبقيتش خارجة انا كاع• مشات غادة طالعة داخلة للدار وهيا كتنفخ وتعاير حتا وقفتها نزهة لي كانت خارجة من الدار...
نزهة [شدتها من كتفها بعدم فهم] : عفاك ادادة خليني بغيت نطلع لبيتي
• نترات منها وطلعات لبيتها وهيا كتنفخ ، بقات نزهة حاضياها حتا غابت على عينيها عاد ضارت كتشوف فسعيد لي كان مراقب شنو طرى بالحسرة ، قربات لعندوا وهيا كتشوف فيه...
سعيد [هز عينيه فيها] : عيت والله حتا عيت مبقيت عارف مندير معاها فششتها وندمت مكنتش عارف تربيتي ليها غادي تخرج هاكا
نزهة : حتا دابا باقي الحال اولدي باش تصلح اغلاطك▪︎عند غيمة الفوق لي طلعات وهيا معصبة وغير كتنفخ ، دخلات بدلات حويجها ببيجامة خفيفة فالغوز وتلاحت فوق ناموسيتها معنقة دبدوب تاعها...
• بعد مدة قصيرة تدق لباب وتحل عليها ، دخلات نزهة عندها وسدات الباب ،قربات حتال حداها وبركات وهيا كتلعب ليها بشعرها...
نزهة : ابنتي متقلقيش من باباك راه كيدير هاكا غير على قبل المصلحة تاعك ، واش عرفتي شحال عندوا تاع الكريدي ولا لا
غيمة [ضارت لعندها كتشوف فيها] : اشمن كريدي ادادة مفهمتش علاش كتهضري
نزهة [وهيا مقابلة معاها وكتهضر بكل حنية] : مكيبغيش يقولك ابنتي شنو عندوا باغيك تكوني فرحانة ومرتاحة دكشي باش كيخبي عليك كاع دكشي لي كيوقع ليه فالخدمة
غيمة [وهيا قارنة حواجبها] : دابا شرحي ليا هوا مالوا
نزهة : قال ليا بلي عندوا شي كريدي كيتسالوا وخاصوا يرجعوا وكدلك الخدمة كترات عليه وبزاف تاع الحويج خسر فيهم فلوس كتيرة
غيمة [تقادات فالبركة وهيا حاطة ظهرها على الناموسية] : ولكن بابي مكيديرش الكريديات كاع وهوا مقال ليا حتا حاجة على هدشي لي قلتي ليا دابا
نزهة : راه قلت ليك مباغيش يشطنك وبغاك تكوني مرتاحة اما الكريدي راه كان مطر عليه دكشي باش داروا
غيمة : ودابا شنو غادي يدير
نزهة : قال ليا لبارح بلي غادي يمشي يشوف الخدمة ويقاد دكشي لي قدر عليه✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...