بين الثراء والبادية

الحلقة 94

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 94
• بتاسم ليها فوجهها وخرج وخلاها هايمة وسط أفكار فهضرتوا ليه وبزاف تاع الأسئلة لي كتراوضها فدماغها ، بقات على هاد الحالة حتا بدات كتسمع صوت زينة لي كانت دخلات وبركات حداها....

زينة [وهيا كتمشي يديها قدام عينين غيمة] : وتي كاينة هنا ولا لا
غيمة [قفزت وهيا كتشوف فيها] : شنو ااه كيفاش
زينة : تي مالك مرعودة غا راسك
غيمة [حركت راسها وشافت فيها] : واش بغيتي شي حاجة
زينة : لا مبغيت والو غير شفت لهاشمي خرج ودخلن نشوف واش نتي بخير ولا لا حيت فاش جينا كان لهاشمي معصب بزاف
غيمة : لا مدار ليا والو انا بخير
زينة : يله نوضي نحرجوا برى ونبركوا الى نتي بخير
غيمة : نبدل حويجي ونخرج عندك
زينة : صافي واخا

• خرجات زينة وخلات غيمة لي ناضت ومشات جبدات بيجامة لي كانت عبارة عن شورط معا تيشورط تاعوا وجبدات البانطوفة تاعها لبستها فرجلها وقبل متخرج لاحت عليها بينوار خفيف وخرجات عند زينة لي كانت باركة فالمراح...

غيمة [مشات بركان حداها] : زينة بغيت نسولك
زينة [تكات فوق المخدة وهيا كتشوف فيها] : سولي انا كنسمع
غيمة : شنو القصة تاع شريفة ومها معاكم ومعا [سكتت لثواني وهيا كتشوف فيها عاد نطقت] لهاشمي
زينة : اودي الى بغيتي نكدب عليك نقولك راه عندنا معاهم شي قصة ، حاجة وحدة كتجمعنا هي جورة فقط لي الى كانت غا فحالهم الله يخليها جورة
غيمة : علاش مالهم

• ناضت تقادات فالبركة حداها وشدات ليها فيدها وهيا كتشوف فيها وتهضر وتعاود ليها بكل تفصيل على ضاوية وشريفة بنتها...

زينة : شريفة وضاوية هوما سحارات تاع هاد دوار ، ضاوية راه تقريبا بزاف تاع العيالات تاع دوار كيجيو عندها تحيد ليهم العكوس دير ليهم القبول وكين لي كتخلي راجل يحن قلبوا على مرتوا زيد وزيد دابا تجي عندنا شي نهار وتشوفيهم
غيمة : راه جات عندنا وشفتها
زينة [هزات صبعها فوجهها كتحذير] : وعنداك تكوني خديتي من عندها شي حاجة ولا دارت ليك شي حاجة
غيمة : لا مخديت من عندها والو غير كانت جايبة معاها شي ماكلة لبارح وفاش شافتني معا لهاشمي تعصبت وداتها ومشات ومعا صباح رجعات تاني
زينة : سمعي نوصيك خليك بعيدة عليهم صافي
غيمة : اه صافي ولكن مقلتيش ليا شريفة واش كانت باغا لهاشمي تزوج بيه ولا شنو
زينة : اه راه مني كانت صغيرة وضاوية كتعمر فراس بنتها شريفة بلي هداك هوا لي يستاهلك هوا لي خاصك طيحيه فشبكة تاعك وصافي شريفة من تم وهيا حاطة لعين عليه ولي كانت كتحاول متلا تشري معرفة معايا ولا معاه كتجي ليها هيا وتبعدها صافي تا جيتي نتي وديتيه ليها
غيمة : وانا مديت لحد شي حاجة راه هوا لي جا راسوا
زينة [وهيا كضحك] : ودابا هيا بينها وبين راسها هاكا غادة تقول موهيم حضي راسك منها راها يله جات من سوس العروبية تاع الأم تاعها وضروري مغادي تكون جايبة معاها شلا عشوب وسحور

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎