🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 42 • قبل متكمل كلامها سمعات صوت الباب كيدق ، ناض لهاشمي باش يفتح الباب وخلاها باركة ، حل لباب وبان ليه شخص لي ملامحوا هادئين ، شعروا فالأسود وعندوا لحية كثيفة شوية فالنفس اللون...
لهاشمي : موسى مالك يكما كين باس موسى : غير الخير ان شاء الله لهاشمي : دخل مرحبا موسى : لا زربان جيت غير نهضر معاك دغيا ونمشي لهاشمي : اه واخا هضر انا كنسمعك موسى : راني باغي نهبط لمدينة واحد شهرين ولا تلاتة على قبل باش نجمع الفلوس لي نكمل بيهم بناء تاع دار وجيت نعلمك بهدشي وكدلك نقولك يعني لبغيتي نبقى حتا نتزوج انا وزينة وديك ساعة نمشي معنديش مشكيل نتسنا واحد شوية لهاشمي : شوف اموسى انا هضرتي مغادي نقص مغادي نزيد فيها لبنت مغادي تزوجها وتديها معاك حتا دير دارك لي تكون تاعك انا ختي بغيتها كيما كانت مرتاحة فدارهم تكون مرتاحة حتا فاش تزوج اذا سير خدم ونهار تقاد دارك جي مرحبا بيك وجي ديها من دار باها معززة مكرمة موسى : مقلتي عيب موهيم انا علمتك دابا غادي نغبر واحد شهرين ولا شهر عاد نرجع لهاشمي : الله يسر ليك
• مشا موسى من بعد دخل لعند ختوا لي كانت باركة وكيبان وجهها شاحب ، قرب لحداها وهضر وهوا كيشوف فيها...
لهاشمي : زينة راني هدشي درتوا غير على قبل مصلاحتك ماشي حيت معزيزاش عليا زينة [شافت فيه وبتاسم وهيا عينيها مغرغرين] : ماشي مشكيل اخويا انا عارفة اش كين لهاشمي [برك حداها وعنقها] : شوفي كوني اكيدة بلي راه هدشي لي كندير فيه فالخر غادي يرجع عليك بالمصلحة وغا كوني هانية راه ميقدرش ينهي هدشي كلوا زينة [مسحت دموعها وبعدت عليه] : عارفة اخويا والله انا عارفة بلي باغي ليا غا مصلاحتي لهاشمي : اوا متبكيش باش متحسسينيش بالذنب زينة [بدات كضحك] : اويلي على ذنب نتا مدرتي ليا والو
• مشا برك فبلاصتوا وكملوا هضرتهم وهوما كيهضروا ويتعاودوا معا بعضياتهم كيف كل مرة...
•"فـي فالليــل"•
▪︎ عند غيمة لي كانت واقفة معا باها برى بعدما تعشاو مجموعين معا لخرين خرجت معا باها باش يهضروا...
غيمة : فاش بغيتي تهضر معايا ابابا سعيد [شد ليها يدها وشاف فيها] : موهيم ابنتي نتي عرفتي بلي حنا ولينا ساكنين معا خالتك خديجة ياك غيمة : اه عارفة سعيد : ومشفتيش بلي راه حنا تقلنا عليها بزاف ، وحتا انا بغيت نمشي نشوف شي حاجة نديرها راسي ولكن وليت هاز ليك الهم وكنفكر ليك غيمة : اه شنو لمعمول سعيد : بغيتك توافقي على زواج وتزوجي باش منبقاوش متقليش بجوج على خالتك وكدلك نكون مطمن عليك ومهازش ليك لهم لمشيت لشي بلاصة غيمة : ولكن انا مزال مباغاش نتزوج دابا سعيد : حتال ايمتا غادي تبقاي بلا زواج غيمة [شتت نظرها بعيد وهيا كتفكر من بعد رجعت شافت فيها] : وشكون هذا لي بغيتي نتوافق عليك سعيد : خوا يامنة غيمة [خرجت فيها عينيها] : اويلي باغي تزوجني لعزيز يديرني لمرأة ثانية ابابا سعيد : لا لا ماشي عزيز خوهم لاخر لهاشمي غيمة [باست ليه يديه بجوج] : دير لي بغيتي ابابا انا كنتيق فيك وبغيتك تبقى مرتاح دكشي بائ كيف قلتي يفضل انني نتزوج باش يخفاف عليك الحمل سعيد : الله يسهل عليك ابنتي
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
