بين الثراء والبادية

الحلقة 85

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 85
• ضارت غادة كتحاول تهرب منوا ومن قربوا ليها ولكن قبل متكمل خطوتها تانية كان جرها من يدها لعندوا حتا تخبطات على صدروا شي لي خلاها تغمض عينيها وهيا كتدعي فخاطرها باش يدوز هدشي بخير...

لهاشمي [وهوا حاط يديه بجوج على خصرها] : سيري بدلي حويجك ويله نخرجوا
غيمة [هزات فيه عينيها] : واخا [طولت فيه شوفة لثواني ونطقت] طلقني خليني نمشي

• طلقها وخلاها تمشي ، دخلات لبيت وسداتوا عليها وهيا كتفكر فشنو وكيفاش طرى ، مشات وقفات حدا لمرآيا وطولت شوفة فراسها عاد نطقت...

غيمة : تي هوا ياك غير عروبي كيفاش كيعرف لهدشي لي انا كلي مكنعرفش ليه ومزال كعما تعلمتوا

• نزلت عينيها الأرض وهيا كتفكر ، ولكن لحظة بعدات هاد الافكار على بالها ومشات جبدات واحد جلابة ولبساتها وحطات زيف تاعها فوق راسها وخرجات عندوا...

غيمة : انا لبست لبغيتي نخرجوا
لهاشمي [طلعها ونزلها] : كلشي مزيان الى شعرك لي كلوا كيبان
غيمة [وهيا كتقلب فشعرها] : واش نجمعوا ؟!
لهاشمي : اه جمعيه متخليهش مطلوق
غيمة [هزات ليه راسها بأه] : واخا صبر نجمعوا وانا جاية

• دخلات جابت بانضة وجمعات بيها شعرها وقادات زيفها لي كانت غير حطاتوا على راسها وخرجات لعندوا وهيا مبتاسمة...

لهاشمي : دابا مزيان [مد ليها يدوا] يله زيدي نخرجوا

• هبطات عينيها كتشوف فيديه لي ماد ليها بعدم فهم ، هزات عينيها فيه كأنها كتسولوا راه مفهمتش قصدك ليا ونتا ماد يدك...

لهاشمي : هاري يدك ويله نخرجوا

• سرطات ريقها وشافت فيديوا وهيا متوترة وبعد تفكير لثواني مدات يدها ليه ، شدها وخرجوا بجوج من دار...

لهاشمي [ضار شاف فيها] : فيك البرد
غيمة [هزات ليه راسها بلا] : لا مفياش
لهاشمي [عنقها من كتافها وهوا مبتاسم] : غادي نديك لواحد البلاصة زوينة وكتعجبني بزاف
غيمة [وهيا كتشوف فيدوا لي محطوطة على كتفها] : اه واخا

• تحركوا بجوج بيهم وهوا معنقها من كتافها بعدما حس بيها فيها البرد غير مرضاتش تقولها اما هيا من بعد مدة قصيرة قدرات تكمل معاه طريق وهيا بنفس الوضعية لي معاه فيها...

• بعد مدة لي قصيرة وصلوا قدام الواجد شجرة كبير لي دايز من قدامها واحد الواد لي ماه كيمشي بشوية وكيبان صافي نتيجة انعكاس ضوء القمر ليه...

لهاشمي : هادي هيا لبلاصة لي ديما كنجي ليها فاش كنكون مقلق [ضار لعندها كيشوف فيها] ديما كنجي ليها راسي ولكن اليوم ولأول مرة نجيب معايا شي حد لي هوا نتي
غيمة [وهيا كدور عينيها فالمكان] : وااو هاد البلاصة زوينة بزاف
لهاشمي : ماشي بحالك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎