🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 7
• هزات عينيها فيه وطولات شوفة حتا تغرغروا عينيها ، ضمها لصدروا وهوا كيطبطب عليها...
سعيد : كلهم اصحاب مصلحة ابنتي وماشي كل شخص عطانا ضحكة فالوجه راه كيبغينا
غيمة [وهيا كتبكي وتشهق] : حتا واحد مبغا حتا واحد
سعيد [ضمها ليه كتر] : شوو صافي متبكيش وهدشي كلوا غادي يفوت غير خاصك ديري عقلك ومتبقايش تيقي فكلشي [بعدها عليه وهوا كيمسح ليها فدموعها] سيري طلعي لطموبيل وانا تابعك باش نتحركوا
غيمة [ضارت كتشوف فنزهة] : ودادة مغاداش تمشي معانا
سعيد : للأسف لا مغاديش نقدر نديها معانا حيت حنا كلنا وغادين نبركوا غير عند خالتك يعني يله يله يتكافاو معانا حنا
• تلاحت على نزهة كتعنق فيها ، الحضن الثاني لي لقات فيه الحنان الحب وكل حاجة كانت ممكن انها تحتاجوا من أم ليها...
غيمة [وهيا باقا معنقاها ودموعها دايزين] : دادة حبيبتي عنداك تنسايني وسمح ليا الى شي نهار قلقتك مني راه والله حتا كنبغيك بزاف
نزهة [ودموعها سايلين] : حتا انا كنبغيك ابنتي الحبيبة وانا عمرني شديت فخاطري من جيهتك ابنتي باش نسمح ليك اصلا
غيمة [بعدت عليها كتشوف فيها] : مغاديش تنسايني ياك وغادة تسنايني حتا نشوفك ياك
نزهة [شدتها من وجهها وهيا كتمسح ليها فدموعها] : مستحيل ننساك وغادة نتسناك ابنتي
سعيد : يله اغيمة سيري لطموبيل تسنايني حتا نجيب حويجي ونجي
• رجعات عنقاتها ومن بعد بتاسمات ليها فوجهها ، خشات الكادر فالڤاليز ومشات لطموبيل وبركت فيها وهيا دموعها شلال...
•"نهــاية لفـــلاش بـــاك"•
▪︎كانت باقا حاطة راسها على زاج ودموعها راسمين طريقهم ، معارفاش واش حياتها جديدة غادي تأقلم معاها ولا لا وكتجس بالخدلان تيجاه الأصدقاء لي ياما سمعت عليهم الهضرة ومفرقتهمش ولا دازتهم...
• بقات على داك الحال حتا داتها عينيها وغفات ، مفاقت غير على صوت الأب تاعها لي كيفيقها من نعاسها...
سعيد [وهوا كيحرك فيها] : غيمة بنتي فيقي راه وصلنا لدوار
• حلات عينيها وبدات كدور فراسها فداك المكان لي شرقات فيه شمس وعطات منظر زوين فداك الخَّضار...
سعيد : يله ابنتي راه خالتك وراجلها ووليداتها كيتسناو فيها
• ضورات راسها لجيهتوا حتا بانت ليها خالتها واقفة برى وكدق فالزاج تاع الشرجم... نزل سعيد وسلم عليها من بعد تبعتوا غيمة...
خديجة [وهيا مبتاسمة وفاتحة يديها لغيمة] : اهلا اهلا ببنت خويا الحبيبة
غيمة [ببتسامة] : سلام
بوشعيب : دخلوا دخلوا ونكملوا تسلامنا لداخل
خديجة [عنقات غيمة من كتافها] : تعالي ندخلوا ابنتي تعالي
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...
