🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 20
• مشات جابت ليها سطيلات وكبات لكل وحدة منهم لماء ودخلوا بوحدة بوحدة لطواليط توضاو من بعد خرجوا كملوا وضوهم برى فوق الحجر ، غيمة كانت ناسية كيفاش توضا ولكن مقدرتش تسولهم فحاولت تبع شنو كيديروا بدون احراج ليها....• من بعد دخلوا للبيت ولبسوا حويج صلاة وحتا غيمة عطاتها يامنة من عندها وصلاو مجموعين...
خديجة : يله زيدوا نمشيو
غيمة : واش غادة نخرج هاكا بجلابة وزيف
خديجة : اه علاش مالك
غيمة : شوفوا كيفاش كنبان
خديجة : كتباني شهوة منك غا زيدوا نمشيو• خرجوا مجموعين وهوما كيتحتوا حتا وصلوا لدار سميرة لي مكانتش بعيدة عليهم ببزاف ، دقوا فالباب وقفوا لمدة حتا خرجات عندهم مرأة لي ملامحها كتبان بلي دوزت زين فشبابها شي لي خلا حروفوا مزال مرسومين...
سميرة : اهلا اهلا [مشات كتسلم عليهم] مرحبا مرحبا نهار كبير هذا دخلوا مرحبا بيكم
خديجة : ترحب بيك جنة• دخلوا معاها بعدما سلمات عليهم كاملين ومشا دخلوا للبيت لي نعتات ليهم لي كان مفرش بسدادر قصارين وفالوسط محطوطة طابلة من الخشب...
سميرة : دخلوا بركوا انا نمشي نقول غا لنورة تعمر اتآي ونجي
خديجة [شدتها من يدها] : غا دخلي حنا جينا نهضروا غا على الفرح ونمشيو
سميرة : وباش غادين نجمعوا تجيب لينا غل براد تاع اتآي وديك ساعة نبركوا نهضروا فخواطرنا• مشات خرجات وخلاتهم مشاو دخلوا بركوا بتلاتة ، بعد مدة قصيرة دخلات عليهم بنت طويلة وفورمتها زوينة وملامحها كان طبق الأصل على سميرة ، شفران كثاف وطوال وعينيها كحلين وبشرتها حنطية ، كانت لابسة بيجامة بسروالها ودايرة على راسها شال...
خديجة [وهيا مبتاسمة] : اهلا ببنتي نورة
نورة [نزلات كتسلم عليها وهيا مبتاسمة] : كيف دايرة اخالتي لباس عليك
خديجة : بخير حمد الله ابنتي• مشات سلمات على لبنات لخرين ومن بعد خرجت وخلاتهم باركين معا سميرة لي مشات بركات قدامهم وهيا مبتاسمة...
خديجة : موهيم جيت عندك على قبل لفرح راه خويا صافي جا يعني مكين لاش نأجلوه ونبعدوه بزاف
سميرة : معنديش مشكيل وقت لي بغيتوه يدار يدار
خديجة : الليلة تاع نهار سوق يدار باش صباح نهار سوق يكون الفطور اش بان ليك
سميرة : صافي معنديش مشكيل انا غدا نغوت على لعيالات وبنات دوار ونديروا لحنة لنورة
خديجة : صافي وانا والبنات غدا نجيو عندكم ان شاء الله
يامنة [جمعت الوقفة] : هحنا غادين نمشيو عند نورة نعاونوها
سميرة : اه سيروا ابنتي✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...