🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 14
غيمة [وهيا مدرقة عينيها من شمس] : شكون هاديك لي جاية عندنا
يامنة : هاديك زينة ختي
غيمة [ضارت فيها بستغراب] : ختك على نتي عندك شي خت اصلا
يامنة : خوها مراضع هوا وخويا فهمتي دابا
غيمة : عنرك قلتيها ليا
يامنة : وتي فين بقيتي كتجي عندنا باش تعرفي عليا كتر• سكتت وبقات حاضية زينة وهيا مغطية عينيها على شمس ، بقات حاضياها حتا وصلت لعندها وبانوا ليها ملامحها كاملين...
زينة [بإبتسامة وهيا كتشوف فيهم] : سلام عليكم
يامنة : وعليكم السلام ، كيف دايرة لباس عليك
زينة : بخير حمد الله [ضارت كتشوف فغيمة] سلام عليكم اختي
غيمة [بإبتسامة] : سلام
يامنة [وهيا كطبطب ليها حداها بيدها] : اجي بركي حدايا• مشات بركات حداهم وهيا الإبتسامة البشوشة لي ممفرقاتش ملامحها ، ضارت كتشوف فغيمة...
زينة : شكون هاد البنت
يامنة [شدات فيها وهيا مبتاسمة] : هادي غيمة بنت خالي
زينة [وهيا مبتاسمة وقارنة حواجبها] : غيمة سميتك فشكل عمرني سمعتها
غيمة : ماما الله يرحمها لي سماتني هاكا
زينة [مدات ليها يديها] : وانا سميتي زينة
غيمة [بادلاتها المصافحة] : متشرفين• وسط كلامهم بان ليهم بوشعيب من بعيد كيلوح ليهم بيدوا بإشارة باش يجيو باش يدخلوا لدار...
يامنة : يله واقيلا راهم غادين يبداو يتغداو
زينة : راه خليتي يِّما خديجة كتسقي
يامنة : يله نوضوا نمشيو• جمعوا الوقفة وشاسوا جليلهم ومشاو لعند بوشعيب لي كان واقف كيتسناهم يجيو لعندوا باش يهضر معاهم...
بوشعيب : يامنة زيدي عوني يِّماك راه شوية وغادين يجيو خوتك وخالك باش نتغداو
يامنة : واخا ابَّا انا ندخل نعونها• دخلوا بتلاتة لعند خديجة لي كانت كتقاد فالديسير فطباسل بجوج بعد سقات لقصريات وحطاتهم...
يامنة : يِّما بغيتي نعاونك فشي حاجة راه بَّا قالي نجي نساعدك
خديجة : راك عارف باك انا راه كملت صافي [ضارت شافت فيها] لبغيتوا سيروا قادوا غا فين يبركوا رجال وفين نبركوا حنا
يامنة : مغادينش ناكلوا مجموعين
خديجة : لا باك مبغاش
يامنة : واخا انا نمشي نقاد فين يبركوا✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...