بين الثراء والبادية

الحلقة 158

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 158
• بقاو باركين كياكلوا ويهضروا وغير كملوا وناضوا تسالموا كاملين من بعد رضوان وسميرة وإبتسام ركبوا فالبيكوب وتحركوا لدار...

   ▪︎ عند غيمة ولهاشمي لي كانوا باركين معا زينة كيتعشاو كاملين وهوما كيهضروا ويضحكوا معا بعضياتهم...

لهاشمي : شكون ازينة غدا جاي يخطب يامنة
زينة [خشات دغمة فمها ونطقات] : ولد سعاد ، كريم واش عرفتيه
لهاشمي : أه عرفتوا لي كيمشي لبرى
زينة : أه هوا هداك لي غدا جاي يخطب
لهاشمي : ويامنة موافقة عليه
غيمة : على مالها تا متواففش عليه وهيا أصلا كت

• قبل متكمل الكلمة حسات بواحد القرصة جاتها فالفخض تاعها ، ضارت كتشوف فزينة وهيا تبسم ليها بتسامة صفرة ونطقت وهيا كتورك على كلماتها...

زينة : قصدها بلي راها وافقت حيت يِّما خديجة قالت ليها راه مزيان
لهاشمي [بتاسم وهوا كيشوف فغيمة] : والله يكمل عليهم بالخير [ناض وقف] صافي أنا شبعت موهيم غادي نخرج واحد شوية ونرجع
غيمة : فين غادي
لهاشمي [شاف فيها وهوا مستغرب من سؤالها] : غادي غير نشوف شي صحاب وصافي نسلم عليهم ونرجع
غيمة : أه واخا

• مشا لهاشمي غسل يديه من بعد لبس عليه واحد جلابة كانت معلقة حدا لباب وخرج ، غير خرج معا الباب وهيا تشوف زينة فغيمة وهيا مخنزرة فيها...

زينة : واش نتي مصطية بغيت نعرف أش كنتي غادة تقولي ليه
غيمة : علاش كتغوتي مال أش فيها لقلت ليه راها كتبغيه على هوا مالوا مكيبغي حد ومكيعرفش لهدشي
زينة [هزات طبسيل ومشات غادة بيه للكوزينة] : غادي يبغيك نتي حيت مرتوا ولكن مجاتش نقولوا ليه بلي هيا كتبغي كريم حيت لاخر ماشي راجلها واصلا بلا هدشي كلوا حنا هدشي تاع الحب والغرام مكنهضروش فيه
غيمة [هزات الخبز لي شايط وتبعاتها] : صارحة خاصني نسولوا واش كيبغيني ولا لا
زينة : سولي راسك بعدا واش كتبغيه ولا لا
غيمة [وهيا كتفكر فالجواب] : صارحة معرفتش
زينة [ضارت كتشوف فيها] : اوا نصيحة مني بلاما تسوليه حتا تلقاي الجواب لراسك بعدا باش حتا الى سولك هوا نفس السؤال متوحليش
غيمة [لاحت ليها قبلة فالهواء] : هاكي ها بوسة حيت عجبني تفكيرك [جرتها من يديها للبيت] ودابا أجي معايا نشوفوا شنو جاب لهاشمي باش نقسم أنا وياك دكشي
زينة : صبري بعدا نمسح الطبلة

• مشات زينة مسحات الطبلة من بعد مشات دخلات هيا وغيمة للبيت وبداو كيقلبوا فدوك البرودويات هيا وياها ، قسمات هيا وياها داك شيء وبدات كتوريها كل حاجة لاش كدار حتا دخل عليهم لهاشمي...

زينة [جمعات دكشي لي عطاتها ووقفت] : يله تصبحوا على خير بسلامة
غيمة : وشوفي ديري دكشي لي قلت ليك عاد نعسي
زينة [وهيا غادة خارجة] : واخا واخا

• خرجات زينة معا الباب ومشا لهاشمي سد لباب وبرك فوق ناموسية كيشوف فيها أش كدير ، بقا بارك لثواني عاد نطق...

لهاشمي : ودابا كون كنت جايب ليك شي حاجة مخاصهاش هيا تشوفها أش غادة ديري
غيمة [هزات فيه عينيها بعدم فهم] : مفهمتش كيفاش
لهاشمي : هاد المرة فاش تبغي تقلبي شي حاجة جبتها ليك يفضل قلبيها راسك عاد من بعد حيدي دكشي لي مخاصوش يتشاف ولي عادي ممكن توريه ليها وتعطيه منوا
غيمة : عادي حتا نتا أصلا أنا دكشي لي قلت ليك جيب راه كان ليا وليها
لهاشمي [تكا فبلاصتوا وحط يدوا على راسوا] : موهيم يفضل ديري دكشي لي قلت ليك ودابا حطي دكشي من يدك ونوضي تنعسي
غيمة : أنا قريبة نكمل غا صبر

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎