بين الثراء والبادية

الحلقة 30

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 30
• دخلات لداخل وخلاتوا واقف كيتسنا فيها برى ، غوتات على بوشعيب ودخلات هيا وياه للبيت تاعهم...

بوشعيب [وهوا واقف قدام البيت] : يكما كين باس اش بغيتي
خديجة : جبد دكشي لي كنا خازنينوا لدهاز زينة
بوشعيب : علاش واش حددوا وقت العرس
خديجة : لا مزال ولكن لهاشمي لهاد سبب مباغيش يتزوج قالك خاصوا حتا يكمل مصاريف ختوا
بوشعيب : ومالوا مقالينا والو
خديجة : وراك عارفة لهاشمي كيف داير مكيبغي يعول على حد دابا عطيني لفلوس خلاص

• مشا حل واحد صندوقة كبيرة محطوطة فالأرض وجبد من وسط الحويج صندوقة صغيرة فالخشب ، قلبها وفاش شاف حرف " ز " رجع غلط الصندوق الكبير ومشا برك حداها...

بوشعيب [مدها ليها] : هاكي هاهيا قلبيها

• فتحتها وحيدت واحد توب بيض من الفوق وبدات كتهز فالذهب ولويز ونقرة كتقلب فيه من بعد ما حيدتهم كلهم هزات توب خر بيض وجبدات الفلوس لي كانوا تم ، كانوا كلهم غير وراق ، حسبت شحال كبن وواش ناقص شي حاجة من بعد رجعت كلشي كيف كان وهز عينها شافت فيه...

خديجة : صافي دابا بنتنا اللولة زرقها هاهوا غادي يتعطا لخوها وغادي تبقى لينا غا يامنة يكون خير فيها موهيم انا غادة نعطي للهاشمي هدشي
بوشعيب : صافي واخا

• هزات صندوقة ومشات خرجات من لبيت وحتا بوشعيب كانت تابعها من وراها ، مشا هوا برك حدا عزيز وسعيد انا خديجة فخرجت برى عند لهاشمي...

خديجة [مدات ليه صندوقة] : هاكا اولدي ها رزق تاع زينة لي كنا كنجمعوا ليها فيه من صغر
لهاشمي [شد صندوقة وهوا كيشوف فيها] : معرفت اش غادي نقولك والله انا مبغيتش نشد من عندك هدشي
خديجة [وهيا مخنزرة فيه] : تشدوا من عندي مالوا هوا اصلا تاعك هذا تاع بنتي زينة لي خصك باش تكمل ليها عرسها خود من تم وشي لاخر عطيه ليها راها تاعها خليها تمشي عند دار راجلها بذهبها ورزقها ماشي تمشي بيديها خاوين
لهاشمي [قرب ليها ومعنقها] : والله معرفتش بشنو غادة نشكرك [باس ليها على راسها] الله يخليك لينا ويطول لينا فعمرك يارب
خديجة [بادلاتوا العناق] : ربي شاهد عليا حتا راني كنبغيك بحال عزيز وزينة كنبغيها بحال يامنة راهم كيما هوما ولادي حتا نتوما راكم ولادي والمرحومة مك كانت ختي قبل من انها تكون صحبتي
لهاشمي [بعد عليها شوية] : الله يرحمها
خديجة : امين
لهاشمي : موهيم خاصني نمشي دابا وزينة غدا نجي ليها ان شاء الله
خديجة : تا كيفاش غدا سير راه الفرح كين الليلة تاع العرس وهيا تا تكمل معانا كلشي وديك ساعة جي ديها
لهاشمي : صافي واخا وردي ليها البال
خديجة : صافي كون هاني

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎