🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 60
▪︎ اما برى عند خديجة لي كانت قربات من خوها وهيا كتبكي ، شدات ليه فيديه بترجي وهيا كتحاول دير جهدها باش يبقى معاهم...خديجة : اخويا راه حشومة دير فينا هاكا واش على قبل كلام خرج فوقت الغضب غادي دير هاكا
سعيد [بنصف إبتسامة] : بزاف تاع الهضرة كتقال وسط ضحك كتكون صحيحة
خديجة : دابا فين غادين تمشيو ، واش غادين ترجعوا لمدينة ؟!
سعيد : غادي نمشي لداري لي كينة هنا حتا نهضر معا لهاشمي ونعتاذر منوا على هدشي وديك ساعة غادة نرجع لمدينة انا وغيمة
خديجة : ولكن دكشي لي كنتي ناوي ديروا هاكا غادي يتضرب ليك كلشي فزيروا
سعيد : منقدرش اخديجة نبقى هنا كتر الى ممشيتش شفت خدمتي ديك ساعة عاد بصح لي غادة نفلس وصافي مكتابش انني نزوجها هنا ونكمل شغلي معاها فأفضل نمشي
خديجة : عفاك اخويا لما سمح لينا
سعيد [تنهد وقرب لعندها معنقها] : مسامح ليك اختي وحتا نتي سمحي ليا درنا ليك المشاكيل
خديجة [وهيا مبادلاه العناق] : لا معنداك لاش تعتاذر راك مدرتي ليا والو وبابي ديما مفتوح ليك فوجهك اخويا
سعيد [بعدها عليه وهوا كيمسح ليها فدموعها] : شكرا وعتاذري ليا من بوشعيب
خديجة [بإبتسامة] : صافي واخا• ضار كيشوف فالباب لي تمات خارجة منوا غيمة وهيا هازة جزج باليزات ، مشا لعندها وهزهم ليها وداهم للكوفر تاع طموبيل وحطهم...
غيمة [عنقات خديجة] : سمحي ليا اخالتي وفاش تفيق يامنة عتاذري ليا منها ودكشي لي خليت عطيه ليها كلها هيا ونورة وسلمي ليا على نورة وزينة
خديجة [بادلتها العناق] : مبلغ ابنتي ومديريش فبالك يامنة بنتي قلبها بيض
سعيد : يله اغيمة طلعي باش نمشيو• طلعات غيمة لطموبيل من بعد سعيد سلم على ختوا وطلع حتا هوا لبلاصتوا وتحرك غادي ، بقات خديجة حاضياهم حتا ختافاو على نظرهم ومسحت دمعتها لي نزلت وتمات غادة لدار ، بعدما وصلات لباب دار وقفت عليها نورة هيا ورضوان...
نورة : خالتي مالك كتبكي
خديجة [شافت فرضوان] : حشومة عليك اولدي والله شتتي العائلة هاكاك مني مكنتيش باغيها متجرحش قلبها هاكا
نورة [شدت فيها وهيا كتحاول تفهمها] : ماشي كيف فاهمة اخالتي خليني نشرح ليك
خديجة [ تمات غادة داخلة] : دخلي متبقايش واقفة فالباب• تمات غادة داخلة حتا بان ليها بوشعيب خارج لعندهم برى بعدما سمع اصواتهم من لداخل ، شاف فرضوان ونطق...
بوشعيب : كنعتاذر منك اولدي على دكشي لي دار عزيز راه غا عزيزة عليه ختوا وبقا فيه الحال حيت فضلتي غيمة عليها
رضوان [حك مأخرة رأس تاعوا] : ماشي مشكيل اعمي راني عاضروا وعارف بلي دكشي كان غا وقت غضب منو• طبطب ليه على كتفوا وكتافا يبتاسم ليه بإبتسامة شاحبة فوجهوا ومن بعد تخطاه وتم غادي خارج باغي يشم الهواء...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...