🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 101
• دخل للبيت وخلاها كتحك فجنابها بسباب طيحة لي طيحها اما زينة فبقات غير كضحك على شنو طرى ، مدات ليها يديها باش توقفها وهيا حابسة ضحكها...زينة : هاري يدك هاري
غيمة [عطاتها يديها] : غا ضحكي نتي لي جات معاك ضحكة
زينة [حطات يدها على فمها وهيا كضحك] : ناري اصكعة كون راك تهرستي من مراودك
غيمة [خنزرت فيها] : اشنو هاد مراودك تاني
زينة [مشات دخلات لكوزينة] : صافي صافي راك كتباني مزيانة متهرستي ما والو
غيمة [وهيا واقفة قدام الباب تاع الكوزينة] : حطي الغداء انا غادة نمشيو نكملوا يجي يتغدا واخا كان غادي يهرسني
زينة : سيري كلميه غا من تيساع حسن ميهرسك تاع صح• مشات غيمة وهيا كضحك وخلات زبنة كتقلب فالكوكوط تشوف الغداء واش طاب باش تحط ليهم ، وقفات قدام الباب وقادات شعرها وهيا كتجمع القوة تاعها باش دخل ، حلات الباب ودخلات كتشوف فالهاشمي لي كان عاطيها بضهرها كيبدل فحويجوا...
غيمة : واش مغاديش ترجع للخدمة
لهاشمي [وهوا عاطيها بالضهر] : لا راه اصلا قربنا نكملوا
غيمة : اوا خرج تغدا خرج
لهاشمي : واخا• خرجات لبرى اما هوا لبس عليه وخرج تابعها ، بركوا فالمراح تا جات زينة وحطات الغداء وبرموا كيتغداو...
زينة : قربتوا تكملوا اخويا ياك
لهاشمي : اه مبقاش لينا بزاف
زينة : الله يسر ليك
لهاشمي : امين• بقاو كيهضروا وهوما كياكلوا ومن بعد ما كملوا جمعات غيمة وزيتة طبلة ودخلوا باش يرتاحوا ليهم شوية...
• دخلات للبيت عندوا بشوية بعدما بان ليها مغمض عينيه وناعس ، حيدات الفوقاني تا البيجامة ومشات تخشات حداه وغمضت عينيها باش تنعس حتا حسات بشي يدين حاوطوا الخصر تاعها...
لهاشمي [وهوا خاشي وجهوا فضهرها] : مزال مهداك الله علينا ، زعما راه مبقى والو ونمشي ونخليك وديك ساعة غادة توحشيني بزز منك
غيمة : فين غادي تمشي
لهاشمي [طبع قبلة صغير على ضهرها ونطق] : مني نكملوا هاد الأرض غادي نهبط لدوار الثاني باش نخدم فيه معا شي ناس تم وغادي نبرك سيمانة كلها عاد نرجع
غيمة [ضارت لعندوا] : ولكن علاش متبقاش هنا
لهاشمي [قَّبل نيفها وهوا محاوطها بيديه] : راه الخدمة هنا صافي كملات
غيمة : وانا وزينة فين غادين نبقاو
لهاشمي : غادي نخليكم معا خالتي خديجة تا نرجع
غيمة [وهيا كتشوف ليه فعينيه] : ايمتا غادي تمشي
لهاشمي : مبقاش بزاف• بادلاتوا العناق وهيا مخشية فيه وحاطة راسها على صدروا ، بتاسم وباس ليها على راسها وهوا معنقها وباغي يخليها على راحتها وحتا تحس بلي بصح راها مرتاحة معاه...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...