بين الثراء والبادية

الحلقة 100

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 100
• نوضات بنتها لي كانوا حويجها تقطعوا شوية وزيفها طار اما شعرها فولا واقف لسماء ، هزات ضاوية طبسيل ونوضاتها ومشات وهيا ساندة عليها بنتها وكتعير فيهم...

غيمة [وهيا حاطة ايدها على فمها من صدمة] : ناري ازينة اش درتي ليها
زينة [تمات غادة داخلة] : تستاهل ديك نتفة راني جامعة ليها فيها كلشي  ، من مدة طويلة وانا غا شادة راسي عليها ولكن هيا لي قلبت عليها اليوم
غيمة [دخلات تابعاها كتجري] : ناري صدمتيني والله
زينة [وقفت وضارت كتشوف فيها] : واش وعتاتك
غيمة [وهيا كتهز راسها بلا] : لا انا بخير ولكن راك عبرتي عليها والله
زينة [وهيا كضحك] : بردت ليك قلبك ياك
غيمة : وتي راه صدمتيني شوية وقلت دابا دور ليا تانا
زينة [مشات عندها عنقتها] : لا نتي راك ختي الهبيلة
غيمة [وهيا مبادلاها العناق] : خاصك تعلميني تا ندير دكشي لي درتي قبيلا
زينة [جرتها من شعرها تا هبطتها لتحت] : اول درس فتناتيف هوا العدو تاعك مكتعطيه فرصة فين يشدك من شعره نهائيا الفن
غيمة [وهيا شادة ليها يدها لي شاداها منها] : ااي طلقيني

• على أثر هاد المنظر وغوات غيمة دخل لهاشمي وهوا مخنزر فزينة لي كانت شادة شعر غيمة ومنزلاها راكعة الأرض...

لهاشمي [بالغوات] : زينة واش مرضتي ولا مالك طلقيها
زينة [طلقتها وهيا هازة يديها بخوف] : راه اخويا غير كنت كنضحك معاها
لهاشمي [هبط عند غيمة لي كانت شادة فراسها] : واش نتي بخير [هز عينوا فزينة] غا كضحكي معاها وكوز هدشي بصح كنتي غادة توصليها لصبيطار لا
غيمة [وهيا كتحك على راسها لي كيضرها] : لا راها كانت غا كضحك معايا
لهاشمي [نزل عينوا عندها وهوا مخنزر] : منيتك حتا نتي
زينة : والله اخويا الى غير كنت كنعلمها تضافع على راسها باش رجعات شريفة وبغات تنتفها بحاا قبيلا  مكنتش تعرف تعامل معاها
لهاشمي [عقد حواجبوا وهوا مفاهم والو] : مال شريفة
زينة : راها جات وتلاحت على غيمة باغا تنتفها وانا دافعت عليها ونتفت شريفة

• هبط عينه لغيمة لي كانت باقا باركة فالأرض وهزها من ضراعها موقفها ، قاد ليها شعرها وهوا كيشوف فيها...

لهاشمي : متبقايش تخلي شي حد يحكر عليك حتا هاد الكنسة [خنزر فزينة] ونتي بغيتي تعلميها علميها بالعقل ماشي طيري ليها شعرها وتقولي راك غا كنعلمها
زينة : وراه شرط من دروس فتناتيف هوا هدشي لي قلتي ليا دابا منديروش
لهاشمي : عطيهت غا تيساع  ماعلميها متعلمك
زينة : والى هجمات مرة خرى عليها شريفة وانا مكنتش
لهاشمي : انا غادة نهضر معاها باش اخر مرة تعتب عندكم ونتي غا عطي لغيمة تيساع
غيمة [قرنت حواجبها فيه] : اويلي واش انا تشكيت عليك راني انا لي قلت ليها علميني
لهاشمي [دفعتها تا طاحت] : اوا منك ليها لبقيت داخلت بيناتكم راني منسواش

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎