بين الثراء والبادية

الحلقة 89

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 89
• هزات الخبز وبدات كتاكل ومرة مرة كطل على ديك الورقة وتأكد واش بصح هدشي مكتوب ولا غا تخيلاتوا ، من بعدما كملات الماكلة حطات سينية فوق بوطاجي هيا والقرعة تاع زيت والخبز لي شاط ، ومشات دخلات كتقلب فالحويج تاعها باش تديهم معاها فاش دوش...

• مشات هزات البيجامة لي طويلة بربع كم وخدات معاها المواد لي غادة تحتاج كلهم من بعد مشات سخنات الماء كيما كانت كتشوف يامنة كدير فدار وفاش سخن خواتوا فسطل وبرداتوا بالماء بارد ودخلات دوشات وخرجت لبسات حويجها...

• بعد مدة لي طويلة حسات بالملال فالدار وهيا ملاقية ما دير ومعامن تهضر ناضت وقفت ولبسات عليها واحد البينوار وحطات زيف خفيف فوق راسها وخرجات برى قدام الباب وقفت كطل حتا كتحس بشي حد وقف عليها...

• ضارت كتشوف شكون لي وقف حتا كتبان ليها البنت تاع البارح لي كانت كانت جات عقدات حواجبها وهيا كتشوف فيها بدون متنطق حتا تكلمت هيا...

*** [وهيا كطلعها وتنزلها] : نتي هيا مرت سي لهاشمي
غيمة [خنزرت فيها وتكلمت بإشمئزاز] : اه انا هيا مرتوا ، بغيتي شي حاجة ؟!
*** : لا غير جيت نتعرف عليك حيت كيما شفتي انا جارتكم
غيمة [ضارت كتشوف قدامها] : امم اوا مزيان
*** : شنو سميتك
غيمة [تكلمت بدون متشوف فيها] : سميتي غيمة
*** [ضحكت بصوت مرتافع وفيه حس من سخرية] : غيمة ، لواه سحابة
غيمة [ضارت كتشوف فيها وهيا مخنزرة] : ونتي بسلامة شنو سميتك
*** [وهيا باقا كتحاول تحبس ضحكة] : شريفة
غيمة [على فيها حاجب وهيا راسمة نصف ابتسامة] : وشريفة غا بسمية
شريفة [قرنت حواجبها بعصبية] : اش قصدك زعما

• ضربتها بكتفها وتمات غادة داخلة وقبل مدخل ضارت شافت فيها وتكلمت بعدما غمزاتها معا ابتسامة خفيفة لي لخصت ليها فيها كلشي...

غيمة : لي جات قدوا شي حاجة يلبسها

• دخلات وسدات الباب وهيا غادة طير بالفرحة لاخت البينوار وزيف وبدات كدور وتنقز وهيا كتصفق على راسها...

غيمة : ويلي ويلي وعاريت ناري اراسي خاصني نبوسك رجعت ليها معورتها فالبلاصة [هزات يديها لسماء] يامنة الحب تاعي سيري الله يسر ليك كون حتا نتي المثال تاعك جا فالوقت تاعوا

• رجعات هزات بينوارها وزيف ودخلاتوا للبيت وحطاتوا ومشات هزات تليفونها وهيا غادة دير بالفرحة ، شعلاتوا وهوما يبداو يجيوها الميساجات والأبيلات كتار ، ستغربات كيفاش أنه الأبونموا لي داير ليها باها باقا متقطعاتش مني مبقاتش كتخلص...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎