بين الثراء والبادية

الحلقة 54

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 54
   ▪︎ عند غيمة ويامنة لي كانوا متكين فبلاصتهم وكيشوفوا فسقف وهوما مغطين على البرد ، كانوا كيتحتوا معا بعضياتهم...

يامنة : غدا غادين يجيو فيا الخطاب
غيمة [بركت وشافت فيها] : قولي والله
يامنة [هزات فيها عينيها بإبتسامة] : والله مكنكدب عليك قالتها ليا يِّما قبيلا
غيمة [رجعات تكات فبلاصتها] : مبروك عليك والله حتا فرحت ليك
يامنة : غادين نتزوجوا انا وياك تقريبا فنفس الوقت
غيمة : امم

• عم صمت لمدة طويلة وهوما متكين على ظهرهم وكيشوفوا فسقف على كسر هاد صمت صوت يامنة...

يامنة : علاش وافقتي على هاد زواج ونتي اغيمة مكتبغيش لهاشمي
غيمة : وعلاش نتي غادة توافقي بهاد الخطبة ونتي مكتبغيش لي جاي يخطبك
يامنة [تكات على جنبها كتشوف فيها] : وشكون قالك اختي مكنبغيهش
غيمة [ضارت لعندها وهيا كتشوف فيها بتشكيك] : وشكون اختي هاد المحظوظ لي طاح حبك عليه ؟!
يامنة [رجعات تكات على ظهرها وهيا كتنهد] : غدا تشوفيه وتعرفي عليه
غيمة : باينة فيك طايحة فيه
يامنة [بحب ولمعان فعينيها] : اختي لي شاف داك زين ماشي غير يطيح فيه راه يغرق
غيمة [عطاتها بظهر] : وسيري تنعسي اختي خليني نعس ليا
يامنة : تي بلاتي جاوبيني على سؤالي
غيمة [وهيا معمضة عينيها] : تال غدا ونجاوبك
يامنة : مكتسواي مكتصلاحي

        •"أصبحنا وأصبح الملك لله"•

• فاقوا لبنات وفطروا وجمعوا دار معا خديجة ومن بعد مشات خديجة باش طيب لغدا اما هوما فدخلوا دوشوا من بعد مشاو بركوا فالبيت تاع نورة بعدما غيمة جابت الماتريال تاعها...

نورة [لي كانت واقفة على يامنة] : فخبارك هاد الخطبة معرت علاش مداخلاش ليا لراسي
يامنة [ضارت لعندها كتشوف فيها] : كيفاش مفهمتش
نورة [بتاسمت ليها فوجهها كتحاول تقلب لهضرة] : زعما قصدت بلي دغيا دغيا جات يعني دذشي جا بزربة [ضحكت ضحكة صفرة] ولكن انا متأكدة مغادين يخرجوا من عندنا حتا طيري ليهم لفريخ
غيمة [وهيا هازة الميكب فيديها] : حيدي انورة خليني نحط هدشي باش نقاد ليها
يامنة [وهيا كحرك ليها صبعانها بلا] : لا لا انا منقدرش ندير لمكياج
نورة : خليها دير ليك غا شوية باش متبانيش صفرة
غيمة : متخافيش مغاديش نكتر ليك

• مشات نزرة بركت فوق نموسية وهيا كتقلب فشي لاخر تاع غيمة لي محطوط تم اما قدام المرآيا فبدات غيمة كتقاد ليامنة فوجهها...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎