بين الثراء والبادية

الحلقة 175

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 175
   ▪︎ عند زينة لي كانت متكي فحجر خديجة وكتبكي ونورة كانت باركة حداهم ومحسرة على حالتها لي وصلات ليها....

زينة : يِّما دابا انا اشنو ندير واش نمشي نعتاذر منوا ونقوليه صافي انا مبقيتش باغا نتزوج بموسى [شهقت ونطقت وهيا باقي دموعها سايلين] انا راه نقدر على كلشي أنهم يتقلقوا مني ويغضبوا عليا إلى هوا ، لا منقدرش

• ناضت بركات كتشوف فخديجة لي محسرة على حالتها ، شافت زينة فيها بعيون نازلين بدموع كشلال ، ستقروا عينيها على عينين خديجة ونطقت بجدية...

زينة : نمشي نعتاذر منوا دابا ياك ونقوليه انا باغي نطلق من موسى
خديجة [قربات ليها وعنقاتها] : لا سكتي أبنتي أشمن طلاق راه دابا هوا غير معصب دابا يهدى ويرجع يهضر معاك عادي
زينة [بادلتها العناق وهيا كتبكي] : أنا مباغاهش يبقى غضبان عليا راه هوا كلشي فحياتي الله ينعل بو شي حب قداموا
نورة [لي كانت متأثرة بكلامها] : أنا متأكدة بلي غادي يرجع ويهضر معاك حيت نتي ختوا الوحيدة ومستحيل يغضب عليك

   ▪︎ عند إبتسام لي كانت باركة وحاطة يديها على خدها حتا دخل عليها رضوان لي كان يله جا من الخدمة...

رضوان [قرن جواجبوا] : مالك
إبتسام [حيدات يديها من على حنكها وشافت فيه] : لا ممالي والو
رضوان : وعلاش باركة بوحدك هنا
إبتسام [ناضت وقفات] : غير خالتي مشات عند شي مرأة ولدها مريض وأنا بقيت راسي
رضوان [مشا برك فوق سداري] : معا صباح حاولت نفيقك ولكن مبغيتش تفيقي فخليتك ناعسة
إبتسام [هزات طبسيل باش تحط ليه الغداء] : تانا معرفتش كيفاش بقيت معطلة فنعاس
رضوان : ماشي مشكيل بقاي ليك مرتاحة

• حطات ليه الغداء ومشات حطاتوا فوق طبلة هوا والخبز أما هوا فمشا غسل يديه ورجع برك حداها وهوا مبتاسم ليها فوجهها ، هز الخبز وبدا كياكل وبعد ثواني رجع هز راسوا فيها...

رضوان : علاش مكتاكليش كولي
إبتسام : أنا يله فطرت مقادراش ناكل
رضوان [حط دغمة من يدوا ولحس طراف صبعانوا ثلاتة] : نسيت موريتكش واحد الحاجة جبتها ليك

• قرنات حواجبها وهيا راسمة إبتسامة صغيرة على الفم تاعها بقات مراقباه حتا جبد واحد زيف كيبان على شكل كورة ، بدا كيحل فزيف شوية بشوية حتا بانت وسطوا شي حاجة ، هزها منوا حتا توضحات ليها صورة تاعها ، كانت سنسلة لي رقيقة وفيها واحد القلب لي لاصق فيه نص قلب...

رضوان [وهوا هازها وكيوريها ليها] : شريت ليك هادي فاش كنت جاي حيت وقف بينا المّول البيكوب ونزلت شريت ليك هادي هيا ماشي ذهب ولكن وعد مني غادي نجمع ونشري ليك خاتم تاع زواج وسنسلة

• خدات من عندوا سنسلة بإبتسامة وبدات كتفحص فالسنسلة لي كانت باينة بلي عجبتها بزاف ، بقا مقابل تصرفاتها حتا شافهع هزات عينيها فيه ونطقت...

إبتسام : شكرا بزاف أنا عجباتني بزاف [رجعات كتشوف فيها] فخبارك أول مرة يجيني شي كادوا
رضوان [بإبتسامة] : بصحتك
إبتسام [فتحاتها ومداتها ليه] : هاكا ركبها ليا

• مسح يديه فداك زيف لي كانت غيه سنسلة وناض حتال لحداها وخدا سنسلة ، وقفات وضارت عطاتوا بظهرها حتا لبسها ليها وضارت كتوريها فيه...

إبتسام [وهيا كتلمس فيها] : كيف جاتك ، جات معايا ياك
رضوان [وهوا مبتاسم] : نتي زوينة وهيا زوينة وتواتيتوا
إبتسام : شكرا

• رجع برك فبلاصتوا وهوا فرحان للفرحة تاعها لي كانت باينة من عينيها لي كانوا كيلمعوا ، نزل راسوا وبرك كياكل أما هيا فبقات غير باركة حداه...

   ▪︎ عند خديجة لي كانت متكي عليها زينة وكتحك ليها فراسها وفجنبها لاخر باركة نورة ، دخل عليهم بوشعيب وشاف فنورة لي ناضت بعدما شافت الإشارة لي عطاها باش تمشي للبيت...

بوشعيب [وهوا كيشوف فالباب] : زيد اولدي دخل زيد

• دخل لهاشمي حتا بانت ليه خديجة باركة وزينة متكي ليها على حجرها ، هز ليها براسوا باش تخرج وتخليهم ودكشي لي كاين ناضت وقفت حتا حسات بيها زينة...

زينة [هزات راسها فيها] : واش ضريتك فرجليك

• قبل متكمل كلامها بان ليها لهاشمي واقف ، ناضت تقادات فالبركة وقوسات فمها بحزن ، ناضت وقفات وشافت فيه بعيون دامعين...

• جر بوشعيب خديجة من يديها ومشاو دخلوا للبيت وخلاوهم ، بقا لهاشمي كيشوف فيها لثواني من بعد جرها عندوا معنقها...

لهاشمي : سكتي متبكيش
زينة [وهيا خاشية وجهها فصدروا وكتبكي] : عفاك أخويا سمحليا صافي أنا مبقيتش باغا نتزوج بموسى صافي قوليه يطلقني وأنا غادة نرجع نسكن معاك
لهاشمي [بعدها عليه شوية وشدها من وجهوا] : أنا ماشي ضدد تزوجي بموسى أختي انا باغيك غير تكوني مرتاحة فحياتك حيت خايف مني نبعد وتبقاي معاه راسك ياكلوك عائلتوا [سكت لثواني ونطق بعيّون مجموع فيهم دموع وبصوت مبحوح] ولكن منخافش عليك ياك حتا نتي غادة تقدري تاخدي حقك بيديك
زينة [بدات كضحك وسط بكائها] : أه طبعا مستحيل شي حد يتعدا عليا ونسكت ونخليه ولكن علاش نتا أخويا باغي تبعد
لهاشمي : غيمة متقدرش تبقى هنا كتر ولكن راه هذا مكيعنيش الى بعدت وطرات ليك شي حاجة مغاداش نجي راني غادة نجيب ليك تليفون قبل مل نمشي والى طرات ليك أي حاجة غا صوني ليا وغادة نجي نهرس راس أي واحد أداك
زينة [عنقاتوا وهيا كضحك] : لا ماشي تال ديك درجة
لهاشمي [وهوا حاط يديه على راسوا] : راك بنتي كتر متكوني ختي ومنبغيش لي يأديك
زينة : الله يخليك ليا
لهاشمي : أمين [بعدها عليه شوية] مباغاش تمشي باش تعاوني غيمة تجمع حويجها باش نمشيو لدار لخرى
زينة [هزات عينيها فيه بنظرات تساؤل] : واش صافي نتا راضي عليا
لهاشمي : ومن ديما والله يكمل عليك نتي وموسى

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎