بين الثراء والبادية

الحلقة 50

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 50
• سكت لمدة طويلة وهوا سارح بعينيه لبعيد من بعد تفكر هضرتها على زواجها بيه شاف فيها وتكلم بتساؤل...

لهاشمي : وشنو سبب لي خلاك توافقي على زواج ونتي كنتي مقتانعة بهضرتك ؟!
غيمة : وافقت فقط على قبل الأب تاعي [ضارت شافت فيه وهيا حاطة يدها على خدها] وافقت باش نخليه مرتاح بلا بيا ، باش نخفف عليه الحمل تاعي [نزلت عينيها الأرض بعدما تغرغروا دموع فيهم] باش نخليه يكمل حياتوا مرتاح بلا بيا بعدما كنت طايشة ومقدرتش نهز معاه المسؤولية
لهاشمي [سرط ريقوا بعدما ضراتوا هضرتها فخاطروا] : غيمة كوني أكيدة بلي الأب تاعك اي حاجة كيديرها الى وعلى قبل مصلحتك وراك عزيزة عليه
غيمة [هزات ليه راسها بأه] : هادي حاجة متأكدة منها [بتاسمت ليه فوجههوا] شكرا على هضرتك بصارحة خليتيني نكون مطمأنة ومتفائلة بهاد زواج لي مكنتش باغاه
لهاشمي [بتاسم ليها وهوا كيحرك راسوا] : هدشي لي كنت باغي هوا تكوني موافقة على هاد زواج بدون اي ضغوطات
غيمة [جمعت الوقفة وهيا كتسوس فحويجها] : موهيم خاصني نمشي وشكرا على هضرتك ونتمنى زواجي بيك يكون شي حاجة لي مزيانة
لهاشمي : غادي يكون غا الخير ان شاء الله

• خلاتوا بارك فوق صخرة وهوا كيشوف فيها ومبتاسم ، تحركات وهيا كتفكر فهدشي حتا وصلت لعند لبنات لي ضاروا بيها وتموا غادين وهوما كيسولوا فيها...

يامنة [وهيا شاداها من ضراعها ليمين] : قولي قولي لينا اش قلتوا
زينة [غمزت يامنة] : تي خليها عليك راها كتحشم
يامنة [وهيا كضحك] : اصلا باين عليها غا من بتساماتها بلي كانوا كيهضروا ف
غيمة [ضربتها على راسها قبل متكمل كلامها] : شتي نتي لمسخ كيجري ليك فدم
زينة [بعد عليها خوفا على راسها وهيا كضحك] : راه حنا غا كنبغيو نضحكوا معاك امرت خويا
غيمة [وهيا كتحلف عليهم] : بقاو تقلبوا عليا حتا نضربها ليكم بشي نتفة
يامنة [شافت فزينة] : سمعتيها اش قالت ولا لا
زينة : سمعتها قالت ليك باغا تنتفنا
يامنة : وهانتي تشوفي على لمدينية طوالوا ليها ليدين

• هربوا كيجريو لدار بعدما شافوها تابعاهم ، مشاو كيجريو وهوما كيضحكوا وهيا كتحلف عليهم وغافلين على لهاشمي لي كان باقي فبلاصتوا وكيشوف فيهم ويضحك على مضاربتهم ، رغم انه مسمعش هضرتهم والى وفهم علاش هربوا منها...

   ▪︎ عند سميرة لي كانت باركة حدا ولدها رضوان لي كان متكي بعدما تغدا وبغا ينعس باش يرتاح شوية من الخدمة...

سميرة : رضوان نعستي
رضوان [ضار بنصوا لعندها] : لا مزال منعست بغيتي شي حاجة

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎