بين الثراء والبادية

الحلقة 132

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 132
• شدت ليها فيدها وبتاسمات ليها فوجهها ، نطقات وهيا كتحاول تحسن صورة أختها فعينيها وتعطيها مبررات اخرى...

سميرة : ولكن ابنتي نتي باش عرفتي ختك لي دارت ليك هاكا تقدر تكون شي وحدة من صخاباتك وبغاتك تحقدي على ختك
إبتسام [بدات كضحك وهيا كتحرك راسها بلا] : لا اخالتي هيا مولات هاد الفعلة حيت خرجت وهضرت معاه وسولتوا علاش درتي فيا هاكا وشكون قالك هدشي وقاليا ختك وهيا اصلا بوحدها هيا ويِّما لي عارفين الوحمة أنا معنديش صحابات اصلا وشتي انا كنقول كون كانت عندي شي صاحبة مستحيل دير فيا مدارت ليا ختي
سميرة : لا حولة ولا قوة الا بالله معرفت اش نقولك ابنتي والله قلبي كيتقطع عليك
إبتسام [بتاسمات ليها فوجهها] : شكرا بزاف ليكم حيت دخلتوني لداركم وسمحوليا حيت تقلت عليكم ان شاء الله غير نولي شوية ونمشي
سميرة : اويلي ابنتي متقوليش هاكا ونتي معندك دابا فين تمشي حسبي دار داركم ابنتي وخودي راحتك فيها انا غادي نمشي نقاد لبيت لاخر لي حدايا لي كانت تاع بنتي وسيري بركي فيه وخودي راحتك
إبتسام : واش كانت عندك شي بنت
سميرة : ايه عندي بنت ودابا راها تزوجت ومشات لدار راجلها
إبتسام : الله يخليها ليك
سميرة : أمين

• ناضت وقفات وخدات من عندها لبلاطوا بزلافة تاعوا ، خرجات بعدما بتاسمات ليها فوجهها ومشات دات لبلاطوا لكوزينة عاد رجعات دخلات للبيت تاع نورة كتقاد ليها فيه...

   ▪︎ عند غيمة لي تسللات شمس لأعيونها شي لي خلاها تفيق ، بدات كتفتح عينيها شوية بشوية وهيا كتحس بشي حاجة مكتفاها ، حلات عينيها وتسمروا فالعينين لي كانوا حاضينها...

لهاشمي [لي كان حاضيها بكل حب] : صباح النور
غيمة [قرنات فيه حواجبها] : من إيمتا ونتا حاضيني هاكا
لهاشمي [وهوا مبتاسم ليها فوجهها] : مني فقت
غيمة [كتحاول دفع فيه] : وطلقني خليني نوض

• طلقها وبقا حاضيها بعينيه ، ناضت وقفات وهيا كتجمع فشعرها أما هوا فتقاد فبلاصتوا وحط يديه ورا ظهروا حاضي تحركاتها...

• مشات وقفات حدا المرآيا وهزات مقبط شدات بيه شعرها وهيا حاضياه بنص عين من المرآيا وكضحك عليه فخاطرها ، مشات هزات شي برودويات تاعها وخرجات من البيت...

• مشات غسلات وجهها وحكات سنانها ورجعات للبيت ، رطبات وجهها وشفايفها وحيدات لشعرها المقبط حتا تطلق...

غيمة [وقفت وضارت لعندوا كتشوف فيه] : اوا نوض خرج غادي تبقى متكي
لهاشمي [وهوا داير يديه ورى ظهروا] : ومالك نتي اش مشا ليك انا باغي نبقى متكي هنا

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎