بين الثراء والبادية

الحلقة 68

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 68
• دخلوا بجوج بيهم لداخل لعندهم ، خلص لهاشمي فالمرأة وهوا كيحاول يبعد نظراتوا على غيمة كيف ديما...

سعيد [شاف فزينة] : بنتي زينة خديتي ليك شي حاجة
غيمة : لا مخدات ليها والو عيت فيها ومبغاتش
سعيد : خودي ليك ابنتي حتا نتي

• شافت زينة فلهاشمي كأنها كتسولوا بعينيها واش تاخد حتا هيا ولا لا ، هز ليها براسوا وبتاسم كدليل علة انها تاخد لي بغات...

زينة [بحشمة] : واخا اعمي
لهاشمي [عطا مبلغ مالي لمرأة] : مني يكملوا قطعي ليهم من هدشي
المرأة : واخا اولدي

• خرجوا وخلاوهم يتقداو ، ختارت غيمة لزينة شلا حويج رغم رفض تاع زينة ليهم بحكم انها مكتلبسش لقصيرة فدارهم ولكن قنعتها بلي راها قريبة تزوج...

• بعدما كملوا عطاو لمرأة جمعت ليهم لحساب وتخلصت ورجعت ليهم صرف لي خرجت زينة وعطاتوا لخوها...

      •"تسريـــع الأحــداث"•

• تقاداو لبنات كاع دكشي لي خاصهم ومن بعد مشا سعيد خدا ليهم مياكلوا فهاد المدة لي باركين وتحركوا راجعين لدار...

سعيد : غادين ندوزوا عند خديجة باش نعلمهت بشنو كين وباش غدا توجد راسها هيا والبنات
لهاشمي : اه واخا صافي
سعيد : والعدول هضر معاه باش غدا معا صباح يجي حيت معا الغداء خاصني نتحرك نمشي لدار
لهاشمي : صافي مني نوصلوا غادي نمشي عندوا هوا اللول نقوليه شنو كين
سعيد : صافي واخا

• فدار عند خديجة لي كانت كتشد فولدها وهيا كتبكي باش ميمشيش حتا دخل بوشعيب عليهم وهوا مفاهم حتا حاجة...

بوشعيب [وهوا قارن حواجبوا] : اش واقع هنا
خديجة [مسحت عينيها من دموع] : عزيز قالك بغا يمشي بحالوا حيت نتا منيتي عليه بلي هاديك دارك وهوا ساكن عندك
بوشعيب [شاف فعزيز بحدة وصرامة] : هدشي لي قالت مك صحيح
عزيز [هز عينوا فيه بالغوات] : اه صحيح بغيت نمشي بحالي ومبغيتش نزيد دقيقة خرى فهاد دار
بوشعيب [بعد من على لباب فاتح ليه مجال باش يدوز] : اه سير شكون حبسك
خديجة [وهيا كتبكي وكتشد فعزيز لي كان غادي] : بوشعيب واش تصطيتي اش هاد الهضرة كتقوليه واش حنا قلنا ليك حبسوا ولا خليه يمشي
عزيز [ضار كيشوف فالأم تاعوا] : عفاك خليني نمشي صافي مبقات عندي بلاصة بيناتكم
خديجة [شافت فبوشعيب بالغوات] : واا بوشعيب تا هضري معا دري خليه يبقى

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎