بين الثراء والبادية

الحلقة 168

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 168
• مشات نورة حلات الماريو وبدات كتقلب وسط الحويج ، جبدات بزاف تاع الحويج وبدات كتعزل حتا ستقرات عينها على واحد البيجامة طويلة شوية وصيفية ، كانوا كيديها غا ربع كم وفايتة ركبة بشوية ، ضارت عند إبتسام وهيا شادة الكسوة كتوريها ليها...

نورة : هادي لاش شريتيها مني مكتلبسيهاش
إبتسام : غير حيت كان البرد وصافي
نورة : مكين لا برد لا والو صافي راه بدا صيف كيدخل ونتي لبسيها ولبسي بينوار ومني يقرب يجي حيديه
إبتسام : أه واخا
نورة [هزات صبعها كتحلف عليها] : سمعي نقولك وياك الى هضر معاك دغيا ضحكي ليه وصافي تنساي بلي هوا مهضرش معاه لا العكس متسوقيش ليه وبقاي تلعبي ليه على أعصابوا كيف كندير أنا لعزيز واخا أنا معايا شيخي كاع ولكن غا فالبيت عندي وقادية الغراض نتي راه غا بوحدك فدار فيعني تفنني ليا ، كل مرة لبسي حاجة لحمك خليه يكون نقي وديما ريحيه وخليه فاش يدخل ديما يشم ريحتك فالبيت باش مينساكش

• مشات حطات الكسوة وبركات حداها فوق ناموسية وهيا حاطة يدها على كتفها كتحاول تشرح ليها وتفهم كتر باش تعرف تعامل معا راجلها...

نورة : حاولي ديري حركات لي يلفتوا إنتباهوا ، بحال فالليل متغطايش ولبسي شي حاجة زوينة وديري راسك ناعسة وخليه فاش يدخل يشوفك مختالفة ومثيرة يعني شي حويج هاكا نتي خدمي مخك وغادة تنجحي [سكتت لثواني وهيا كتشوف فيها عاد نطقت] واش فهمتي هضرتي
إبتسام : اه فهمت [وهيا كتفرك فيديها] بغيت نسولك
نورة : سولي أنا كنسمعك
إبتسام [هزات راسها كتشوف فيها] : ديك المرة كانت قالت ليا بلي خالتي خاصك دوشي إلى قرب ليك راجلك باش تقدري تصلي وبصارحة أنا مفهمتش هضرتها ومقدرتش نسولها
نورة [حطات يدها على يد إبتسام] : أه معاها الحق الى قرب ليك وطرات بيناتكم شي حاجة خاصك دوشي وتغّسلي من الجنابة عاد تصلي ، ولكن راه باش تغّسلي خاصك تبعي هاد طرق لي غادة نقولك ، هانتي نتي باش يجيك دكشي ساهل بقاي غير توضاي عادي ولكن متغسليش رجليك ومن بعد غسلي شعرك تلات مرات يعني بقاي دخلي لماء لراسك كلوا ومنب عد غسلي جنبك الأيمن كلوا من الفوق للتحت تلات مرات ومن بعد الجنب الأيسر ومن بعد رجليك وصافي هاكا غادة تكوني تغسلتي من الجنابة وتقدري تصلي عادي
إبتسام [بإبتسامة وفرحة لي كتبان من عينيها] : شكرا ليك بزاف والله وشوفي واش واخا نبقى نسولك على أي حاجة بغيت ياك عادي
نورة [عنقتها وهيا كضحك] : راك وليتي بحال ختي الهبيلة وفينما تبغي شي حاجة قوليها ليا ونوريها ليك ودابا نوضي نكملوا ونوريك أش ديري باش دخلي تدوشي
إبتسام : اه واخا

• ناضت معاها وراتها شنو دير مني دوش وكيفاش تحيد شعر تاع لحمها كامل وعطاتها نصائح كتير لي غادة تساعدها ، كانت إبتسام كتسمع ليها بتمعن وكتحاول تفكر كاع هضرتها ليها باش طبقها...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎