🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 81
• بعدما سلمات حتا على لبنات لي كانوا حداهم خلاتهم باركين كيتحتوا ويهضروا وخرجات ، بقاو باركين كيهضروا حتا نطقت زينة لي كانت ساكتة كتفكر...
زينة : لعلاَم الله غيمة اش كدير دابا
يامنة [وهيا كضحك] : اش عندها مدير راها كتمعشق ماشي بحالي وبحالك
خديجة : هانتوما على لكلبات كيهضروا بحالا انا مكيناش هنا [خنزرات فيهم] واش شفتوني وحدة من صحاباتكم تهضروا قدامي هاكا [جمعت الوقفة غادة للكوشينة] والله ينعل لي ميحشم
زينة [تبعتها بعينيها وهيا كضحك] : تي راك صحبتنا ماشي منا
يامنة : ومالنا حنا قلنا شي خاحة عيب لي نتي كتنعلي فينا
• نزلات خديجة هزات صندالتها وضارت شيرت عليها جابتها ليها فجبتها نيشان ، بدات كتحك على راسها وهيا كتحس بحّر الألم...
خديجة : هادي غا تنبيها المرة جاية نفرق ليك راس ، ودابا رمي لياه ديك صندالة
يامنة [لاحتها ليها] : هاكي هاهيا
• لبسات صندالتها فرجلها ومشات دخلات للكوشينة ، ناضت نورة وهيا كضحك على يامنة لي باقا كتحك فراسها...
نورة : نمشي نعاونها دابا تجي تا انا تفلقني
• مشات تبعتها كتجري وخلات يامنة وزينة باركين مجمعين كيهضروا ويضحكوا ويتخيلوا فغيمة شنو تكون باركة كدير...
▪︎ عند سميرة لي كانت واقفة معا واحد المرأة من دوار ، وقفتها بعدما شافتها لابسة قفطانها وبين عليها حالتها حالة تاع انها كانت فشي فرح...
سعدية : تي فين كنتي شتك لابسة قفطانك
سميرة : راه لهاشمي تزوج ببنت خو خديجة مرت بوشعيب وكنت معاهم حضرت للعقد
سعدية : الله يكمل عليهم بالخير ولكن مال خديجة معرضتنيش مالها مخاصمة معايا
سميرة : لا راه مداروا لا فرح لا والو راه غير ضربوا العقد صافي والفرح بغاو حتا يجي باها ويدار
سعدية : والله يسر ليهم موهيم دوزي بخير مزال عندي شلا ميتقدا
سميرة : يله خليتك اخويتي حتا انا خاصني نمشي
• مشات سميرة كتجري لدارها حيت تعطلات بزاف على رضوان لي كانت متأكدة بلي راه جا ، حلت لباب ودخلت مشات للكوشينة حتا بان ليها بارك...
سميرة : ولدي رضوان جيتي
رضوان : اه جيت [عقد حواجبوا وهوا كيطلعها وينزلها] فين كنتي بهاد لباس
سميرة [بتوتر] : غا كنت حاضرة لضريب صداق
رضوان : شكون فدوار تزوج
سميرة [بدات تحيد فقطانها باش تداري توترها] : ااه شكون تزوج ااه تزوج لهاشمي
رضوان : بيمن تزوج
سميرة [حطت القفطان وبقات بالبيجامة وضارت كتشوف فيه] : تزوج بغيمة بنت خو خديجة
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...
