بين الثراء والبادية

البارت 47

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 47
• على هضرتهم دخلات غيمة عليهم لي غير شافتها زينة وناضت كتجري عنقتها وهيا مبتاسمة...

زينة : انا فرحانة حيت غادة تكوني مرت خويا والله
غيمة [بإبتسامة مصطنعة] : حتا انا فرحانة
نورة [غمزت يامنة وهيا كضحك] :وشوفي ليك على درية قالت ليك حتا هيا فرحانة اذا راها طاحت فيه صافي
يامنة : وعلى شكون هادي لي مكتشوفش فلهاشمي وطيح راه زين وتباتة ودين والأخلاق
زينة [جرت غيمة ومشات بركتها حداها] : عطيو لمرت خويا تيساع ولا نوريكم

• دخلات عليهم خديجة لي كانت وصلت من عند سميرة ، نوضتهم وعطات لكل وحدة واش دير ومشان حيدت جلابتها ودخلت توجد لغدا...

       •"بعــد مــدة زمنيـــة"•

• كانوا باركين رجال كلهم فالبيت باش يتغداو اما البنات فكانوا فالكشينة واقفين كيتسناو خديجة تحط الغدا...

يامنة [نغزت غيمة] : هانتي غادة دخليه تشوفيه
نورة [وهيا كتقاد ليها زيف لي كانت حازماه ليها الفوق ومخلياليها شعرها مطلوق] : وتبتي وحصني ومتاكليش بزاف راه خالتي غادة تخلي ليك حتا ترجعي وكولي
خديجة : توما بعدوا من لبنت [شافت فيها] عنداك ابنتي كولي وشبعي كرشك مالوا لمبغاك ونتي هاكا اش بغيتي ديري بيه
زينة : ياك كتعيري ليا فخويا ياك
خديجة [قرصتها] : راه ولدي قبل ليكون خوك
زينة [كتبرد فالقرصة] : راني غا ضاحكة
خديجة [هزت طبسيل وتمت غادة خارجة] : زيدوا تبعوني ادوك لفعات

• خرجات وهيا هازة طبسيل ولبنات من وراها وهوما شادين فغيمة لي كانت لابسة بيجامة فالبيض بسروالها ودايرة زيف لي حازماه فوق راسها...

• دخلت وهيا حانة راسها ومكتشوف حتا شي حد ، حطات خديجة طبسيل وبركت حدا بوشعيب وشافت فالبنات لي واقفين...

خديجة : دوزوا بركوا البنات [شافت فغيمة] غيمة اجي حدايا

• هزات غيمة عينيهت بعدما سمعت اسمها وكانت اول حاجة طيح عليها عينيها هيا لهاشمي لي كان كيشوف فيها ، غير طاحت عينيها فعينيه نزلهم بزربة وحتا هيا نفس شي دارت ومشات بركت حدا خديجة  بركوا كياكلوا...

• بقاو كياكلوا وهوما كيضحكوا معا بيناتهم وكيهضروا فجميع المواضيع ، اما غيمة فكان كل تفكيرها هوا واش غادي تقدر تعيش معا هاد شخص لي ختار ليها باها ، كانت كتحاول تركز معاه فاش كيطول فالحوار كمحاولة منها تعرف شخصيتوا واش بحال شخصيتها...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎