بين الثراء والبادية

الحلقة 116

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 116
• خرجات سعاد من صالون وخلاتهم باركين كيضوروا فعينيهم فالمكان وزواق كيف داير حتا تكلمت خديجة وهيا كتشوف فيهم...

خديجة : ونعاود نقولها ليكم تبتوا ونتي ايامنة [هزات يديها كتحلف عليها] ونتي عنداك يقولك داك المكلخ تاع راسك ديري شي حاجة ، بركي وتبتي وباني رزينة

   ▪︎ عند غيمة لي كان شادها لهاشمي من فكها وهوا مخنزر فيها وفشنو كانت كدير ، هبط عينيه لفمها لي كان على على شكل قبلة بحكم طريقة لي شادها بيها ، طبع قبلة على شفيفها بحركة خفيفة منوا...

• للحظة وعات على راسها شنو طرى وناضت قافزة مبعدة منوا وهيا كتقاد فحويجها وتنفخ ، غير وقف وهيا تهز صبعها فوجههوا وخنزرت فيه...

غيمة : علاش بستيني ؟!
لهاشمي [طلع فيها حاجب] : نتي تبوسيني عادي وانا لا ؟!

• قبل متكلم ولا تقول شي حاجة هز عينوا فالمرآيا تاع الكوافوزة لي كانت قداموا وهوا يخرج عينيه من كترت صدمة ، دفعها مبعدها على طريقوا ومشا قرب لمرآيا وحط يدوا على وجهوا كيشوف اش هدشي فيه...

• رجعات لور شوية مبعدة عليه ، سرطات ريقها مني شافتوا ضار لعندها كيشوف فيها وهوا مخنزر وكيتسنا تفسير...

لهاشمي [بالغوات] : ااش هدشي لي فوجهي ؟!
غيمة [حطات يديها قدامها كتحاول تهدنوا] : سمعني نشرح ليك

• قبل ميخطي خطوة للقدام كانت هربات خارجة برى ، تبعها كيجري وهوا كيغوت عليها باش توقف ، مشات دخلات للبيت لاخر وسدات الباب وهيا متكية عليه ، حطات يديها على فمها وبدات كضحك بدون صوت مني سمعت غواتوا برى...

لهاشمي [وهوا كيضرب فالباب بعصبية] : حلي لباب خلينا نتفاهموا على هدشي لي درتي ليا فكمارتي
غيمة [تكلم من ورى الباب بنبرة سخرية] : نتا لي مخليتينيش نمشي معا زينة ، علاش هيا خليتيها تمشي وانا لا
لهاشمي [بالغوات] : انا لي حمار قلت منخليهاش تمشي حيت ليوم هوا لي بقا عندي نخليها تبقى معايا باش نخرجوا انا وياها ساعة راني حمار كون خليتك تمشي معاهم ونبقى ناعس معا راسي
غيمة [بتاسمت وهيا كدور فعينيها وكتفكر شنو دير] : وصافي دابا خلينا نتفاهموا
لهاشمي [ضرب فالباب بجهد حتا قفزها] : معندنا فاش نتفاهموا حلي لباب نوريك هدشي لي درتي ليا فكمارتي
غيمة [حطات يدها على فمها وهيا كضحك مني تفكرت المنظر تاعوا] : وراني رجعت زوين بزاف
لهاشمي : خاصني من زين غا رجلة بهدشي لي درتي ليا
غيمة [تلاحت فوق ناموسية وهيا كضحك ، تكلمت بالغوات باش يسمعها] : غير كنت ضاحكة معاك والله واصلا راك جيتي زوين

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎