بين الثراء والبادية

الحلقة 16

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 16
   ▪︎ عند العيالات لي كانوا باركين كياكلوا ويهضروا ويضحكوا على الجديد تاع دوار حتا نقزت خديجة بسؤالها لزينة...

خديجة : بنتي زينة اش درتي معا موسى واش مزال مقادش داروا
زينة [حطت دغمة من يدها وتنهدت بعمق] : ومزال ايِّما  يله دور لياجور بدار ومزال مقسمها ما سقفها ما والو ، وراه جا هضر معا لهاشمي باش نتزوجوا ونسكن معا عايلتوا حتا يكملها فالبنِّي ولكن لهاشمي مبغاش قاليه سير حتا تكمل وجي ديها
خديجة : ولبغيتي هضرت الحق ابنتي خوك معاه الحق وهاكا راه دار ليك العز والنصر وغادة تمشي لدار راجلك ونتي معززة مكرمة اش ضمن ليك لما ميبنيش دار وتبقاي ساكنة معا موا وخوتوا
يامنة : دكشي لي قلت ليها حتا انا بعدا مني يدير ليك دارك غادة تسكني فيها راسك وترتاحي فيها وتمشي بعزها
زينة [ نطقت وهيا حاضرة راسها] : انا خفت غير لهدشي لي كيقوليه خويا يجيه كتير ويمشي ويخليني
خديجة : متخافيشاي مغاديش يخليك راه كيبغيك من مدة هادي فميقدرش كاع يفرقك
زينة [لي توردوا خدودها من الحشمة] : معرفتش ايِّما خديجة والله
خديجة [ببتسامة تفاخر] : سولوني انا نعاود ليكم على باكم بوشعيب كيف طيحتوا
يامنة : عودي لينا ايِّما عفاك
خديجة : كان يموت عليا ويموت على سالفي ومن نهار شافني كنغسلوا جنب الواد وهوا يحماق عليا وجاب مو تخطبني من عند بَّا وبقا مجرجروا ورضوا نوبة اللولة وثانية وتالتة وتشرط عليه بَّا بشلا حويج وتا دار ليا العز عاد تزوجني [حطت يدها على زينة] دكشي باش قلت ليك ابنتي خلي خوك يهضر ويقول ليها دكشي لي من حقوا يكون ليك وهوا راه كيبغيك فا مغاديش يخليك

• كانت كتعاود ليهم وغافلة على غيمة لي كان دماغها مشا بعيد ، وكتفكر كون الأم تاعها باقا حية واش كانت غادة تكون هاكا ولا حسن من ما هيا ، وسط افكارها سمعت صوت خديجة لي كتناديها...

خديجة : واا غيمة بنتي فين سهيتي
غيمة [بإبتسامة] : هانا هانا اخالتي
خديجة : كولي ابنتي كولي
زينة [ضارت كتشوف فغيمة] : واش يِّما خديجة خالتك ولا عمتك
خديجة : انا عمتها ولكن كتقوليا خالتي
غيمة : ايه هيا عمتي وكنقوليها خالتي

• كلاو الكسكسو من بعد حطوا ديسير وكلاوه وسط ضحك ونشاط ، من بعد مدة ناضوا غسلوا يديهم ومشات يامنة عطات لرجال يغسلوا وجمعات طابلة ورجعت....

• برى عند سعيد ولهاشمي لي كانوا واقفين كيتسناو عزيز وبوشعيب يخرجوا ، بقاو واقفين وساكتين حتا هضر سعيد...

سعيد [بتوتر] : بوشعيب قبيلا لبنت لي كان قاصد ليك لزواج راها كانت بنتي ، بنتي علامن هضر ليك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎