🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 143
▪︎ عند سميرة لي كانت مشات للكوزينة عند إبتسام لي لقاتها باقا باركة فوق سداري ، هزات المقراج عمراتوا بالماء وهيا كتهضر معاها...سميرة : راه جاو عندي صحاباتي جوج وبنتي أجي نوضي نمشيو نبركوا حداهم
إبتسام : اه واخا• حطات المقراج فوق البوطة ومشات شداتها من يديها وبقاو غادين دقة دقة حتا وصلوا لعندهم للبيت ، جابت ليها كرسي وبركتها عليه...
سميرة : هادي إبتسام
خديجة [وهيا كتشوف ليها فرجلها] : مالك ابنتي فرجلك
إبتسام : غير مجروحة فيها
سعاد : الله يشافيك ابنتي
إبتسام [بإبتسامة] : أمين
سميرة [مشات بركات حدا نورة] : نوضي عمري آتاي وسخني واحد المسمنات درتهم معا صباح
نورة : أه واخا• مشات نورة للكوزينة دير شنو قالت ليها الام تاعها أما شي لاخر فبقاو باركين مجموعين كيهضروا ويتحتوا على الجديد تاع دوار...
• عمرات نورة آتاي وسخنات المسمن وجات حطاتوا ليهم معا شوية العسل وزيت ودكشي لي قسم الله ، بكات معاهم وكلاو مجموعين من بعد ناضوا سلموا عليها باش يخرجوا...
سميرة : صبروا نوصلكم للباب
• لبسوا صبابطهم وخرجوا كلهم قدام الباب ووقفوا من غير إبتسام لي بقات باركة فالبيت فوق لكرسي على قبل رجلها...
خديجة [وهيا كتشوف فخديجة] : سميرة ديك البنت لي جبتي راه دوار الى سمع بيها غادي يبدا يجمع عليك بالبرارد تاع آتاي
سعاد : بصارحة معاها الحق راه عندك عزري فدار باقي تاع راسوا ونتي نضتي جبتي بنت سكنتيها معاك
سميرة : راني عارفة والله ولكن قلبي مقدرش يجري عليها وهيا مسكينة معندها حد
نورة : اوا ايِّما راه غادة تولي سيرتك على كل لسان والله
سميرة [تنهدات بعدم حيلة] : والله معرفت أش ندير
خديجة : واش هيا معندهاش العائلة
سميرة : لا راه عندها
سعاد : اوا خليها تمشي عندهم والى مكانش عندها باش تمشي عندهم وبعاد على هنا وصليها لعندهم وهاكا غادة طمأني عليها وتهناي
سميرة : اودي راه هدشي مزعلك وقصتها مسكينة قصة ، موهيم دابا نشوف اش ندير حيت بصح الى بقات عندي غادي يوليو ناس يهضروا علينا
خديجة : يله دوزي بخير دابا حنا خاصنا نمشيو راني خليت راجل بلا غدا
سميرة : وسيري ديري ليه غداه• تسالمات معاهم ومشاو أما هيا فبقات واقفة كتفكر فهدشي لي هضروا معاها فيه وهيا عارفة كلامهم على حق ولكن معندهاش حل ، بعد تفكير طويل سدات الباب ودخلات...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Comédie🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...