بين الثراء والبادية

الحلقة 141

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 141

           •"أصبحنا وأصبح الملك لله"•

• عند خديجة لي كانت فاقت وجدات هيا والبنات الفطور وفطروا مجموعين من بعد مشات هيا ونورة لعند سعاد وخلات لبنات لخرين فالدار ، وصلات هيا ونورة لعند سعاد وسلموا عليها وتموا غادين داخلين معاها...

سعاد [وهيا غادة مدخلاهم لصالون] : زيدوا دخلوا مرحبا بيكم راني يله لقيتوني غادة خارجة
خديجة : اوا لكنا غادين نشدوك خلينا نمشيو
سعاد : تي دخلي بركي راني كنت غادة غا عند سميرة نشوفها
خديجة : اوا يله نمشيو عندها تانا راه بغيت نمشيو نشوفها انا ونورة
سعاد [ضارت لعندها] : مني هاكا دخلوا بركوا انا غادة نمشي نلبس جلابتي ونهبط عندكم باش نمشيو عندها
خديجة : واخا سيري وهحنا كنتسناوك

• دخلوا بركوا هيا وياها كيستناو سعاد تخرج باش يمشيو ، بعد مدة قصيرة خرجات عندهم سعاد وهيا لابسة جلابتها وشالها ، خرجوا هيا وياهم وتحركوا لعند سميرة...

   ▪︎ عند لبنات لي كانوا جمعوا دار وشطبوها وبركوا بتلاثة كيهضروا وهوما مجمعين معا بعضياتهم فبزاف تاع المواضيع حتا نطقات غيمة لي كانت غا ساكتة...

غيمة [وهيا كتشوف فزينة] : زينة واش مغاداش تعلميني نشطح
زينة [ضربت على راسها] : ويلي نسيت مجبتش معايا الباڤ
غيمة [ناضت وقفت غادة للبيت لي فيه حويجها] : أنا جبتوا معايا صبري نجيبوا ليك

• مشات دخلات للبيت وبدات كتقلب عليه وسط حويجها حتا بدات كتسمع تليفونها كيصوني ، مشات هزاتوا من فوق طابلة فين كان كيتشارجا وفتحات الخط وهيا مبتاسمة...

غيمة : بابا حبيبي توحشتك
سعيد : حتا انا توحشتك كيف دايرة نتي لباس عليك
غيمة : بخير لباس عليا ونتا لباس عليك وكيفاش غادي معا الخدمة واش قاديتي شي حاجة
سعيد : لباس ابنتي والخدمة راه باقي يله كنقاد شوية بشوية فيها وراه رجعت الدار ، واحد من صحابي سّلفني
غيمة : مكانش عليك ابابا تسّلف من شي حد والله وشنو درتي بفلوس دار لي كينة هنا
سعيد : لا هاديك مبّعتهاش راه قلت لهاشمي باش تسكني نتي وياه فيها واش مزال مامشيتوش
غيمة [وهيا كدور هضرة تاع باها فراسها] : لا مزال واصلا هوا راه مكينش راه ماشي خدام مشا لبارح وخلاني انا وزينة معا خالتي خديجة
سعيد : الله يسر ليه وشوفي ابنتي الى كنتي ما مرتاحاش قوليها ليا انا قادر نرجعك تسكني معايا ونصرف عليك ابنتي
غيمة : انا مرتاحة ابابا بلاما تّشغل عليا ونتا ابابا باركة عليك من لعداب صافي كون غا بعتي كلشي ورجعتي لصاحبك لفلوس وجيتي سكنتي فدار لي هنا ودكشي لي باقي عندك كّول منوا وعيش مرتاح
سعيد : لا ابنتي منقدرش نخلي خدمتي وزيدون منقدرش نجي نربع يديا حتا نمو*ت هاكا مغادي نكون كاع أمنت عليك من بعد ، هدشي ابنتي لي كندير فيه كلوا غا ليك باش حتا الى انا مشيت يبقى ليك باش تعيشي مرتاحة أنا مباغيكش تكملي عمرك كلوا عايشة تما
غيمة : صارحة حتا أنا ابابا مقادراش نبقى هنا كنحس براسي مليت بزاف خصوصا مني دابا حتا لهاشمي مشا وبقيت راسي
سعيد : وشنو تبغي نجي نجيبك ؟!
غيمة : لا منقدرش نخلي لهاشمي راسوا حيت هوا مغاديش يبغي يجي معايا ويخلي ختوا
سعيد : واش مرتاحة معاه كيعاملك مزيان ؟!
غيمة : أه ابابا هوا مكيخسرش ليا خاطري وفرحانة معاه واخا العيشة معاجبانيش ولكن منقدرش نمشي ونخليه والله
سعيد : كلشي غادي يتقاد أبنتي وغادة تكوني غا على خاطرك
غيمة : كنتمنى
سعيد : يله ابنتي نخليك خاصني نمشي بسلامة وتهلاي فراسك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎