بين الثراء والبادية

الحلقة 35

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 35
   ▪︎ فالبيت عند نورة لي كانوا باركين حداها لبنات وهوما كيطمنوا فيها باش ترتاح وتهني قلبها...

يامنة : غيمة سيري قولي ليِّما وخالتي بلي راه خرجنا نورة حيت عيات وشدتها سخفة لداخل وقولي ليها يدخلوا لعيالات ياكلوا خلاص
غيمة : واخا

• خرجات من البيت ومشا للكشينة لي لقات رضوان واقف تما كيتسناهم يعطيوه طبسيل لخر لي بقا باش يخرجوا...

غيمة [شافت فيه وبتاسمت] : سلام
رضوان [وهوا كيحاول ميشوفش فيها] : وعليكم السلام
غيمة [دخلات لعندهم لداخل] : خالتي سميرة راه نورة شداتها سخفة وخرجوها للبيت لاخر وقالوا ليك بلي لعيالات جاهم جوع دخلوا ليهم لعشا
سميرة : واخا ابتتي [هزات طبسيل وعطاتوا لرضوان] صافي غا هذا لي بقا شي لاخر داخ لهاشمي وشوف الى خصكم لخبز جيو ديوه
رضوان [خدا من عندها طبسيل] : صافي واخا

• خرج بعدما خدا بعد نظرات لقلال من غيمة لي كان حاضياهم اش كديروا ، هزات راسها خديجة فسميرة...

خديجة : صافي سيري قادي طبلات وقولي لزينة تعطيهم يغسلوا

      •"تسريـــع الأحــداث"•

• حطوا لعيالات لعشاء وومشاو بركوا تعشاو معاهم بعدما حطوا حتا لبنات فالبيت لاخر معا نورة ، بعد مدة قصيرة بداو العيالات كيخرجوا يمشيو لديورهم معا بناتهم ورجالاتهم اما خديجة وسميرة لداو كيجمعوا فالماكلة وكيرضوها لبلاصتها...

• سلاو شغلهم ومعظم ناس مشاو لديورهم ناس قليلة لي بقات حتا مشات معا العروسة باش يوصلوها لدار راجلها لي كان بارك فيها بوشعيب والشيخ القبيلا لي غادي يعقد بيناتهم...

• بركوا نورة وهوما مغطين ليها وجهها وبركوا فجنب لاخر عزيز ووسطهم كان بارك شيخ لي بدا كيهضر معاهم ويحدثهم على زواج... اما فجيهة لخرى فين كانت واقفة غيمة ويامنة وزينة لي حاضين هدشي لي طاري...

غيمة : دابا اشنو باغين يديروا
يامنة : باغين يتزوجوا
غيمة : على هوما ممزوجينش
يامنة : لا مزوجين غير حنا عندنا شيخ القبيلا فاش كيبغي يتزوج شي حد يعني كيكون دار الفرح وغادين يروحوا لعروس كيجي عندهم وكيبقى يقوليهم بلي زواج فيه صعوبات وخاصنا نتجاوزوهم
غيمة : اه فهمت

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎