بين الثراء والبادية

الحلقة 121

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 121
• خدا من عندها الكأس وحطوا فوق لبلاكار لي حداه اما هيا فتخشات فبلاصتها بعدما حيدات طاقية لي فوق راسها وغمضات عينيها باش تنعس ، تقاد فبلاصتوا حداها وجرها لعندوا معنقها وهوا كيحك ليها على شعرها ، بقاو ساكتين لمدة حتا نطقات غيمة وهيا باقا مغمضة عينيها...

غيمة : كنتي قلتي ليا بلي راك كنتي عايش برى المغرب واش كنتي هاضر بصح ولا غير كنتي كضحك معايا

• فتح عينيه وهوا مصدوم من سؤالها لي طاح ليها فبالها فهاد الوقت ، رجع ليها شعرها كلوا وراها وحط يدوا على عنقها وهوا كيمر يدوا عليها بشوية...

لهاشمي : اه كنت ساكن فإلمانيا تقريبا 6 سنين مكاملاش
غيمة [حلات عينيها وهيا كتشوف فيه بصدمة] : اواه 6 سنين كلها ، وشنو كنتي كدير تم
لهاشمي : كنت كنقرى
غيمة : وهدشي ايمتا
لهاشمي : وراه مدة لي طويلة غير كملت الباك تاعي هنا ومشيت لتم كملت قرايتي
غيمة : محّولك باسل هاكا
لهاشمي [وهوا كيضحك] : اوا راه قلت ليك قبل بلي دكشي لي انا مدوز مستحيل تكوني مدوزة حتا نص فيه
غيمة : وشنو قريتي
لهاشمي : قريت على الهندسة زراعية 4 سنين وعامين مكاملاش خدمت فيها يعني خديت فيها غا الخبرة من عند شركات كبار فإلمانيا
غيمة : ياه بحالي غير انا قريت فيها 3 سنين

• هزات راسها فيه وهيا مبتاسمة بإبتسامة جانبية ومصغرة عينيها فيها ، بادلها لإبتسامة وهوا كيشوف فيها وكيتسناها تنطق...

غيمة : ولكن نقولك صارحة انا اصلا مكانتش كتعجبني فمني كملت بركت ومبقيت درت والو
لهاشمي [بتاسم وهوا كيحرك راسوا بلا] : لا انا قريت على هدشي بكل حب بحكم كيعجبني هاد المجال وحتا الأب تاعي الله يرحموا كان باغي يشوفني فشي منصب لي كبير من هاد المجال
غيمة : ولكن علاش نتا دابا مخدماش بديبلوم تاعك
لهاشمي : كيف قلت ليك قريت عامين مكاملاش بحكم رجعت للمغرب مني عرفت الأم تاعي ماتت وصافي مقدرتش نرجع ونخلي ختي صغيرة راسها وخصوصا فاش رجعت ولقيت بزاف تاع المشاكيل صافي هنا مبقيت درت والو
غيمة : كان عليك تخدم هنا ماشي بضرورة ترجع لألمانيا
لهاشمي : مكنتش نقدر نخلي ختي وبلا هدشي كلوا ضروري مكان خاصني راس المال باش نبدا ولكن مكان عندي والو ديك ساعة وكنت مقرر انه فاش ختي تزوج ديك ساعة نزل لمدينة ولا نرجع لألمانيا واخا صعيب عليا نرجع ولكن كنت مقرر ديك ساعة نشوف احلامي [قرصها فنيفها] ولكن جيتيني نتي وصافي هنا مبقيتش نقدر ندير شي حاجة حيت مبقيتش راسي وليتي دابا معايا خاص اي حاجة نفكر فيها خاصك تكوني معايا
غيمة [حطات راسها على صدروا] : لا خاصك تشوف حلمك وماشي على قبلي انا تحبس كلشي
لهاشمي [عنقها وهوا كيحك ليها على راسها] : الى مكنتش غادي نفضلك على بزاف تاع الحويج فحياتي او على كلشي فحياتي معندك لاش تبقاي معايا

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎