🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 9
سعيد : صافي هدشي لي كين ودابا جبتها هنا باش تحك وتعرف بالحق زمان والفلوس بلي كينين لي معندهمش وكدلك باش نقلب ليها على شي راجل لي يكون قاري ويخاف الله ويتاقي فيها وجه الله
بوشعيب : احسن مدرتي اسي سعيد والله وراجل راه كين وموجود غا كون هاني
خديجة [قرنت حواجبها فيه] : شكون هوا هاد راجل لي هاضر عليه
بوشعيب [بإبتسامة] : ولد ضاوية الله يرحمها راه الله يعمر ليه دار [ضار كيشوف فسعيد] شتي كون مكان خو يامنة من رضاعة يا حتا نزوجوا ليها ولكن ضاوية الله يرحمها رضعات عزيز دكشي باش
خديجة : صارحة معاه الحق راه الله يعمر ليه الدار راه قاري ماشي مقاريش راه كان فالخاريج وتم كمل قرايتوا وقاري كتاب الله وعندوا خت وحدة هازها من بعد الموت تاع الأم تاعوا فعينيه
سعيد : اوا نشوفوا والى بان ليا مناسب لبنتي معنديش مشكيل نزوجوا بيها
بوشعيب : وفصارحة انا معارفش واش هوا باغي يتزوج ولا لا
سعيد : على كين شي حد كيهرب من زواج
بوشعيب : راه كنشوف بلي شلا بنات باغين واليديهم يزوجوهم ليه ولكن هوا مباغيش راه كيف قلت ليك عندوا ختوا وهوا لي هازها
خديجة : سكت سكت هداك ولدي والى اخويا [ضارت كتشوف فسعيد] نتا عجبك ضربوا على حسابي
سعيد : اوا خاصني نشوفوا ونهضر معاه
بوشعيب [جمع الوقفة] : يله نوض نمشي لعندوا
خديجة : شوف سيروا شوفوه وعرضوا عليه هوا وختوا لغداء انا غادي نوجد شي حاجة باش يتعرف عليهم سعيد كتر
• ناض سعيد باس ليها راسها وهوا مبتاسم وكيشكر فختوا على دكشي لي دارت معاه هوا وبنتوا...
سعيد : منلقاش بحالك ابنت ميمتي
خديجة : سير راه غيمة بحال بنتي وراه معزتها فمقام بنتي يامنة ولي نبغيه ليامنة بنتي نبغيه ليها
بوشعيب : يله زيد نمشي لعندوا زيد
سعيد [ضار شاف فعزيز] : يله نوض يله معانا
• جمع الوقف عزيز ومشا خرج معاهم تحت دعاوي تاع خديجة لي كانت دعي باش ربي ينقي طريقهم...
▪︎عند غيمة ويامنة لي كانوا باركين فالبيت لي كان مفرشة بكاشات فالأرض وضايرين بيه المخاد...
يامنة : مدة طويلة مجيتيش عندنا واخا اخر مرة جيتي كنتي واعدتيني باش غادة ترجعي عندي فأقرب وقت
غيمة [نزلت راسها للأرض بتردد] : غير مساليتش
يامنة : فاش كنتي كتجي عندنا نتي وخالتي شحال كنا كنبقاو نلعبوا برى [ضحكة خفيفة] ولكن دغيا داز الوقت وكبرنا
غيمة [شافت فيها وعينيها مغرغرين] : وفهاد الوقت بزاف تاع الحويج تبدلوا
يامنة [طولت فيها شوفة ونطقت] : منهم حتا صداقة تاعنا لي مبقاتش
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...
