🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 96
• مشا غسل يديه ورجع حداهم وبرك كياكل هوا وياهم وسط الهضرة وتعاويد لي بيناتهم وضحك ونشاط ، من بعد ما كملوا ناض لهاشمي غسل يديه ودخل للبيت اما غيمة فجمعات طبلة ومسحتها وحطات لماعن لزينة لي غسلات الماعن ، بعد مدة كانوا كملوا كلشي...زينة : يله تصبحي على خير اغيمة
غيمة : تصبحي على خير• دخلات زينة للبيت تاعها اما غيمة فبقات واقفة مدة طويلة حدا الباب حتا خدات نفس عميق وقادات تنفسها عاد حلات الباب ودخلات ، لقات لهاشمي بارك فوق ناموسية وهوا مبدل حويجوا بحويج خفاف...
لهاشمي : سدي الباب ودخلي
• سرطت ريقها بتوتر ومشات بركات على طرف ناموسية وحيدات بينوارها وبانطوفتها تحت أنظار لهاشمي ، تكات فبلاصتها وهيا عاطياه بالظهر حتا حسات بشي يدين حاوطوا خسرها شي لي خلاها تبورش...
لهاشمي : متخافيش مغادي ندير ليك حتا حاجة
• بقات ساكتة وكتحاول تبعد تفكيرها فشي حاجة سلبية حتا حسات بيه بعد عليها ورجع لبلاصتوا ، تنهدات وبعد مدة قصيرة ضارت باش تعرف واش نعس ولا لا حتا لقاتوا كيشوف فيها...
لهاشمي : دابا مني باغاني نكون بعيد لاش كتقلبي عليا بعينيك وتشوفي اش كندير
غيمة [تقادات فبلاصتها وهيا مقابلة معاه] : لا
لهاشمي [وهوا مقاطعها] : كيفاش لا اذا بصح مباغانيش نكون قريب منك
غيمة [حركات ليه راسها بلا] : لا ماشي هاكا
لهاشمي : اذا باغاني نكون قريبة منك• غمات راسها بالمانطة وهيا كتسمع ضحكاتوا لي كانوا عالين عكس المرات لخرين ، خرجات راسها شوية كتشوف فيه ولا اراديا بدات كتبتاسم...
لهاشمي [شاف فيها وهوا كيضحك] : شحال كيعجبني نخليك توثري
غيمة [صغرت عينيها فيه] : باسل
لهاشمي [شاف فيها بته•ديد] : سكتي حسن منوريك البسالة تاع بصح كيف دايرة• سكتت بعدما فهمات قصدوا ليها ، تكا على جنبوا بحالها وهوا كيشوف ليها لعينيه وكيعمر عينيه باللونهم لي كيحس بيه ساحر ، نطقات بتساؤل وهيا كتحاول تشتت توترها زايد معاه بالهضرة...
غيمة : دابا واش نتوما كلكم بحال بحال هنا ، يعني تانتوما كتعرفوا شنو هوا الحب وكيفاش تكون رومنسي وزعما هدشي عندكم عادي ، ونتا ياك زعما كيقولوا عليك كتعرف بينك وبين الله اش قربك لهاد لبسالة كلها
لهاشمي : على دابا غير لي كيعرف بينوا وبين الله وتزوج حرام عليه انه يهضر معا مرتوا ويتغزل فيها [ضغر فيها عينيه بنص إبتسامة] وحرام انه يحاول يوثرها ويلعب معاها لعب الباسل
غيمة : على ما عارفة انا بلي كيقولوا زعما راكم كتكونوا بعاد على هدشي ومعندكمش معاه نهائيا وعاد ولاد العروبية كيكونوا بعقلهم ومعندهمش معا هاد البسالة لي فيك
لهاشمي : على ما أظن بان ليا بلي راك قصدتي بلي راه فيا البسالة
غيمة [وهيا كدور فعينيها] : اه قصدت✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...