• ضورات عينيها للبنت لي كانت باركة جنبها ، كانوا ملامحينها هادئين وزوينين عينيها فالأزرق فاتح وبشرتها حنطية وحنيكاتها حمرين ،كانت مغطية شعرها ولابسة بيجامة طويلة فالأحمر...
خديجة : يامنة بنتي نوضي دي ختك للبيت باش ترتاح راها عيات يمكن بطريق يامنة [وقفات وهيا مبتاسمة وعلى وجهها علامات الخجل] : واخا ايِّما خديجة : نوضي ابنتي غيمة نوضي سيري معاها
• ناضت غيمة ومشات غادة تابعة يامنة من لور وخلاتهم مجمعين كاملين معا بعضياتهم...
خديجة : خويا كيف درتي معا طريق ، بغيت غا نعرف علاش مجبتيش معاك شي شيفور بي يساعدك فسوقان كيف ديما سعيد [حط يدوا على فموا وهضر بهمس] : سكتي يا الموصيبة تي انا شا قلت ليك فتليفون خديجة : والله اخُيّي مفهمت فيك شي حاجة انا مني قلتي ليا جاية نتا وغيمة قلت ليكم مرحبا بيكن وصافي ولكن دكشي لي قلتي ليا كلوا مفهمت فيه والو بوشعيب : راه حتا انا قلت ليها تقول ليا اش كان قالت ليا بلي منعرف خسرتي فلوس مخسرتي والله العظيم مفهمت شي حاجة سعيد [شاف فخديجة] : زعما قلت مني غادي نجي غادي تون ختي فاهمة وتخلي الخطة غادة مزيانة خديجة : وراه والله مفهمت شي حاجة اخويا وزايدون تليفون ماشي بحال وجه فالوجه سعيد : موهيم سمعوا نعاود ليكم ولكن قبل هدشي يبقى هنا [ضور وجهوا للولد لي كان بارك حداه] عزيز ولدي عنداك هدشي يوصل لغيمة عزيز : لا كون هاني اخالي مغادي يوصلها والو سعيد : موهيم غيمة بانت ليا بلي مبقاتش قد يدي ونزهة مني شافت هدشي مبقاش عاجبني طيحت عليا واحد الفكرة
•"فـــلاش بــاك"•
نزهة : حتا دابا باقي الحال اولدي باش تصلح اغلاطك سعيد [هز راسوا فيها] : وكيفاش غادي ندير نزهة : ساهلة الفلوس لي مشنتينها وممخلينهاش تحس بالقيمة تاعهم حيدهم عليها باش تحس بالطمع تاعهم سعيد : وراني قطعت عليها المصروف باش تمشي تخدم معايا وتحس بالتعب تاعهم ولكن مكينة حتا نتيجة نزهة [بإبتسامة] : مفهمتيش قصدي مزيان ، وَهمها بلي نتا مبقاش عندك الفلوس ماشي قطعتيهم عليها سعيد [قرن حواجبوا] : زعما راني فلست هدشي لي قصدك نزهة : بالضبط ولكن قبل حاول انك تقلب ليها على شي زوج لي يبان ليك غادي يبر بيها وبالفلوس تاعها وزوجها ليه كأنك نتا فلستي ومعندكش باش تصرف عليها وهوا شخص الوحيد لي ممكن يقبل بيها وبطيش تاعها سعيد [بإبتسامة وهوا كيشوف لبعيد] : فكرة واعرة والله [ضار شاف فيها] اش بان ليك نديها لبلاد عند ختي ومن تم نقلب ليها ؟! نزهة : حتا هيا فكرة زوينة غير هيا متلوحهاش لأي شخص لمبانش ليك غادي يتاقي فيها وجه الله متعطيهاش ليه ، راها واخا هاكا قلبها بيض وراها غا نية سعيد : انا غادة نمشي دابا للخدمة نشوف شنو كين باش الى سافرت نكون مطمأن على كلشي ونتي سيري طلعي عندها
•"نهايـــة لفـــلاش بـــاك"•
سعيد : صافي هدشي لي كين ودابا جبتها هنا باش تحك وتعرف بالحق زمان والفلوس بلي كينين لي معندهمش وكدلك باش نقلب ليها على شي راجل لي يكون قاري ويخاف الله ويتاقي فيها وجه الله بوشعيب : احسن مدرتي اسي سعيد والله وراجل راه كين وموجود غا كون هاني
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
