بين الثراء والبادية

الحلقة 110

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 110
• رجعات زينة للكوزينة باش توجد شي حاجة خفيفة لعشاء اما غبمة فبقات كدور عينيها لثواني فالمكان من بعد ناضت هزات طبسيل والمعالق وداتهم للكوزينة...

غيمة [حطات طبسيل فوق البوطاجي] : شنو غادة طيبي
زينة : غادة نحرحر غير بيضات
غيمة [قرنت حواجبها بعدم فهم] : اشنو ديري ؟!
زينة [ضارت كتشوف فيها وهيا كضحك] : أُحّرحرُ يُحّرحرُ يَتحّرحرُ فعل تاع البيض
غيمة [شدات على راسها وهيا كتحرك فيه] : الله يستر راك قربتي تصطاي
زينة : راه نتي لي تصطيتي تقولي راك جيتي من الهند واش مكتفهميش هاد الكلمات البساط ؟! كون قلت ليك كُبشّلباقيش ولا كون قلت كحازي لياه ولا شي حاجة هاكا
غيمة [وهيا شادة على فمها وكضحك] : ديك اللول شّلبشيق يمكن ، هاديك مفهمتهاش اما ديك تانية عادي فهمتها
زينة : اوا تي هاديك هيا المهمة

• بقاو كيضحكوا معا بعضياتهم حتا وجدات زينة مقلة تاع البيض وماطيشة ومشات حطات ليهم معا الخبز وكلاو مجموعين وسط ضحك ونشاط تاعهم...

• بعدما كملوا جمعات زينة طبلة هيا وغيمة وكل وحدة منهم مشات دخلات للبيت تاعها باش تنعس ، دخلات غيمة للبيت وبدلات حويجها ومشات تكات حدا لهاشمي ، بقات حاضية ملامحوا كاملة وهيا هايمة فيهم ، هزات يديها بشوية وحيدات ليه خصلة من شعروا لي كانت طايحة ليه على وجههوا حتا حسات بيدوا شادة ليها يدها...

لهاشمي [وهوا مغمض عينيه] : دابا اش بغيتي
غيمة [وهيا كتّمتم] : ما مبغيت والو
لهاشمي : اوا خلينا نعسوا حسن منوليو فشي حويج خرين

• جرها عندوا وعنقها وهوا مزال مغمض عينيه ، بادلاتوا العناق وهيا كتفكر فبزاف تاع الحويج ، كيفاش حياتها تبادلات كلها وكيفاش تزوجات بشخص عمرها حلمات انه تزوج بشي حد بحالوا وكيفاش كيعاملها وكيفاش كانت واخدة نظرة على رجال العروبيين وكيفاش حتا نظرة لي كانت واخداها على العروبية بصفة هامة ، بقات كتفكر لمدة طويلة حتا داتها عينيها ونعسات...

         •"أصبحنا وأصبح الملك لله"•

• صبح صباح لي كل واحد فيه ضار شغلوا عادي ، لهاشمي مشا للخدمة انا غيمة وزينة فناضوا بركي وطيبوا الخبز بجوج وجدوا لغداء بكري شوية وجمعوا دار وبركوا كيهضروا معا بعضياتهم كيتسناو لهاشمي يدخل...

غيمة : ياك قلتي ليا ليوم غادة تعلميني نشطح
زينة [ضربت على راسها] : ويلي والله حتا نسيت
غيمة : اوا نوضي يله نبداو
زينة : خلي حتال من ورى الغداء
غيمة : لا لا غا نوضي دابا جيبي الباڤ خلينا نبداو

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎