بين الثراء والبادية

الحلقة 65

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 65
• سكت لثواني كيحاول كيقاد الهضرة تاعوا ليه باش يخليه يقبل العرض تاعوا ، هز راسوا فيه ونطق بعدما شافوا مركز معاه وباغي يعرف هضرتوا كلها ليه...

سعيد : مكرهتش تقبل العرض تاعي والله ، هانتا دار تاعي سير سكن فيها نتا وغيمة ودار تاعكم خليها لختك تزوج فيها وتسكن هيا وراجلها حتا يقاد اموروا وديك ساعة يحن الله
لهاشمي : العرض تاعك زوين ولكن منقدرش نوافق عليه اعمي اصلا حتا الى متلا بغيت زينة ختي منقدرش نزوجها حاليا حيت راها راجلها مشا يخدم فالمدينة اذا منقدرش انا وغيمة نمشيو نسكنوا فدار تاعك ونخليو ختي بوحدها فدار
سعيد [مد ليه ضوبل تاع سوارت] : هاكا ها ضوبل تاع سوارت الى بدلتي رأي تاعك او اي حاجة من هدشي سير ليها
لهاشمي : لا منقدرش
سعيد [بإصرار] : وصافي شد واش غادي تردها فوجهي
لهاشمي [خدا من عندوا سوارت] : شكرا
سعيد : موهيم بغيت نمشي نجيب شي حاجة مناكلوا انا غيمة ليوم وبغيت نتقدا ليها شي حويج لزواجها وكدا ومكرهتش تمشي معانا وتقول بلي نتا لي خديتي كلشي باش متعيقش زعما الى ذنتي مسالي
لهاشمي : اه واخا معنديش مشكيل نمشي معاك
سعيد [ضار كيشوف فدار] : متقولش لختك تمشي معانا باش تعزل معاها
لهاشمي : واخا صبر نمشي نعلمهم باش تلبس وتخرج
سعيد : واخا انا كنتسناك

• مشا لهاشمي عند ختوا باش يعلمها تلبس حويجوا وتمشي معاه اما سعيد فرجع عند غيمة لي كانت غارقة وسط تفكيرها وكدعي الله باش قرارها متندمش عليه...

سعيد : غيمة راه لهاشمي وختوا غادين يمشيو معانا باش نتقداو ليك شي حويج
غيمة : لا ابابا بلاش انا مبغيت والو ونتا اصلا معندكش وغادي تخسر الفلوس
سعيد : لا راه لهاشمي لي غادي يخلص كلشي
غيمة : اوك واخا موهيم انا نبرك لور باش يبرك هوا حداك
سعيد : اه واخا
غيمة [نقزات لور وبركات] : ايمتا غادي تمشي ابابا
سعيد : غدا غير ديري لعقد نتي ولهاشمي وغادي نتحرك نمشي
غيمة : الله يسر ليك
سعيد : غيمة

   ▪︎ عند خديجة لي كانت باركة هيا والبنات حتا دخل عزيز بدون ميهضر معا شي حد فيهم ومشا دخل للبيت...

خديجة : سيري انورة شوفيه
نورة [وقفت غادة عندوا] : اه واخا
خديجة : عنداك تقولي ليه شي حاجة على يامنة
نورة : وباش غادي نفهموا بلي رضوان مليه والو
خديجة : قولي ليه شي حاجة من عندك ولا قولي ليه بلي هيا اصلا مكتبغيهش وصافي
نورة : ياويلي ومني يسولني علاش كانت كتبكي
يامنة : شوفي قولي ليه هيا غير تصدمت
نورة : غادي نقوليه لي كين وصافي
يامنة [ضربت على فخادها] : اويلي باغا تشوهيني
خديجة : خليها تقولها ليه اويلي على تشوهيني على مال لحب حرام ياك نتي مكديري والو اوا صافي راه تانا باكم كنت تنبغيه قبل لنتزوجوا [شافت فنورة] سيري قولي ليه لي كين

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎