🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 57
• اما فدار عندهم كان الجو مكهرب وسكات حاتل المكان حتا هضر عزيز بالغوات وهوا كيشوف فغيمة...عزيز [بالغوات] : على الأقل غا سيري لعندها شوفيها مالها ونتي واقفة علينا تقولي ماشي نتي سباب فهدشي كلوا من نهار جيتوا مشفنا نهار رباح
• قبل ميكمل كلاموا محس غير بطرشة جاتوا فحنكوا من طرف الأب تاعوا لي كان واقف حداه على احر من اعصابوا...
بوشعيب [هاز صبعوا بتهديد] : لزم حدودك اعزيز جريتي على ناس ومهضرتش معاك علاش حيت مراعي لمشاعرك وبلي ختك هاديك ولكن باش تعير شي حد بارك عندي فداري انا هنا لا منسمحش ليك ، وقع سوء تفاهم غادي نحلوه وغيمة معندها ذنب ديال حتا شي حاجة
• هز عزيز عينيه فيه لي ولاو وحمرين وخرج بلاما ينطق حتا كلمة معا حتا شي حد منهم ، اما غيمة فنزلات دمعة من عينيها وهيا كتحس بلي بصح سباب فهدشي ، مشات لعند يامنة وبدات كدق عليها فالباب باش تحل عليها...
غيمة [مسحت دمعتها ودقات عليها] : يامنة حبيبة حلي عليا الباب هادي غير انا
• بعد مدة طويلة من الإنتظار تحل عليها الباب من طرف يامنة لي كان وجهها كلوا مالي دموعها وشهقاتها غير غادة وكتعالا ،تلاحت عليها معناقاها وهيا كتبكي...
غيمة [بادلاتها العناق وهيا كطبطب عليها] : عفاك غير سكتي متبكيش
• دخلتها لداخل وبركت وبركتها حداها وهيا معنقاها وذتحس بالذنب من جيهتها ولكن كتحاول متبكيش باش تبان قدامها قوية...
غيمة : هضري معايا متبقايش ساكتة ايامنة حبيبة [سكتت لمدة وهيا كطبطب ليها على ضهرها] كنعتاذر منك انا والله مكنت باغي يطرى ليك هاكا
• مجاوبتهاش وكتافات فقط بالبكاء وهيا معنقاها وحتا غيمة حاولات تخليها على راحتها ومتضغطش عليها كتر...
• برى عند خديجة وبوشعيب وسعيد لي كان فقمة تاع الأعصاب تاعوا بسباب هدشي لي طرى لبنتوا قدام عينيه ، حاول ميهضرش معا عزيز فقط احتراما لختوا وراجلها...
خديجة [مشات حدا سعيد وشدات فيه] : خويا متديش على هضرتوا راه غير عزيزة عليه ختوا دكشي باش
سعيد [وهوا كيحاول ميبينش الغضب تاعوا] : دخلي قولي لغيمة تجمع حاويجها غادين نمشيو
خديجة [خرجت عينيها بصدمة] : اويلي فين غادين تمشيو
بوشعيب : سعيد نعل شيطان فين باغي تمشي واصلا تا واش غادي تدي عليه هوا مالوا بارك ليه فداروا
سعيد [هز عينوا فيه وهضر بهدوء] : دارك هيا داروا ومن بعد [بتاسم ليه إبتسامة خفيفة] وشكرا حيت ستضفتوني عندكم انا وبنتي ولكن دابا صافي خاصني نمشي بحالي
خديجة [شدت ليه فضراعوا وهيا كتبكي وتشكي] : حشومة عليك اخويا واش نتا غادي تدي على واحد قد ولدك حشومة عليك اخويا
سعيد [وهوا كيحاول ميشوفش فيها] : دخلي كلميها ليا معاك اختي✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...