بين الثراء والبادية

الحلقة 27

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 27
• عطاوهم لبندير وطعريجة وبداو كيضربوا ويغنوا وبدات بالوحدة بالوحدة تنوض تشطح فوق القعدة ، اما فيمة فكانت باركة جنب يامنة وحاطة يدها على خدها وكتشوف لبنات كيفاش كيشطحوا...

• كان عاجبها لحال وهاد الجو لي صعيب تحضر ليه كون كانت فدارهم ، بقات حاضياهم وهيا محسرة على حالها هيا لي مكتعرف لا تضرب ولا تشطح بحال لبنات...

• بقات حاضياهم حتا تموا جايين عندهم خديجة وسميرة لي هازين سينية تاع آتاي وجوج طاسات وحدة فيها الماء سخون ووحدة خاوية...

سميرة : تبارك الله عليكم راكم منشطين دنيا
يامنة [بإبتسامة إفتخار] : الله يخلف عليا

• بداو كلهم كيضحكوا على كلامها ، مشات بركت سميرة وخديجة فجنب وكبوا ليهم آتاي وعطاوه ليهم...

خديجة [مدات ليهم طاسات] : هاكوا شي وحدة منكم تخلط الحنة
زينة : عطيوني انا نخلطها
سميرة : لا خلي شي وحدة خرى لي مزال معرفت ايمتا غادة تزوج تخلطها باش يحن عليها الله

• خدات طاسات وحدة من لبنات وخلطت الحنة ودارت معاها شي عشوب عطاتهم ليها سميرة باش ديرهم ، من بداو شي بنات كيديروا لحنة لنورة ولخرين كيغنيو وشطحوا...

خديجة : لبنات خليو شوية فطاسة باش تزيدوا فيه الحنة وديروها حتا نتوما
سميرة : غا خليهم يديروا ليها الى مقدهمش هدشي نزيد الحنة
خديجة : لا راه خاص باش يديروا من نفس دكشي لي دارت منوا العروسة

         •"تسريـــع الأحــداث"•

• حناو لبنات لعروسة ومن بعد كل وحدة منهم دارت شوية فلحمها وحتا غيمة دارت شوية مني هضرت معاها خديجة باش دير حتا هيا...

• بعدما نشفات ليهم على لحمهم بحكم انهم باركين تحت شمس لبْسوا لعروس بيجامتها وحتا هوما لبسوا وسلموا على خديجة وسميرة وخرجوا مشاو لديورهم مجموعين بعدما تاققت معاهم سميرة باش يجيو غدا...

خديجة : سميرة خاصنا نمشيو حتال غدا تاني ونجيو
سميرة : صافي واخا

• سلموا على نورة وسميرة وخرجوا بتلاتة غادين لدار وهوما كيتحتوا ويضحكوا كيف ديما ، وصلوا لدار ودخلوا بركوا باش يرتاحوا...

يامنة : يمكن بَّا راه جا ومشا
خديجة : نوضي شوفي الكوكوط لكانت خاوية راهم جاو كلاو ومشاو

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎