بين الثراء والبادية

الحلقة 142

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 142
• قطعات معاه وتنهدات بعمق وهيا كتفكر فحياتها لوهلة بتاسمات مني جا فبالها لهاشمي ، بقات سارحة بتفكيرها فيه لثواني من بعد رجعات تليفونها يتشارجا ومشات كتقلب على لباڤ ، جبداتوا وخرجات بيه لعندهم...

زينة : اويلي نتي مالك تعطلتي
غيمة : كنت كنهضر معا بابا
زينة [وقفت خدات من عندها لباڤ] : عطيني لباڤ [شافت فيامنة] نتي نوضي جيبي لحزامات خلينا نبردوا قلبنا ونعلموها معانا
يامنة [جمعت الوقفة غادة للبيت] : هيا لي متعاودش

   ▪︎ عند سميرة فدار لي كانت باركة وهيا إبتسام فالكوزينة كيشربوا فآتاي حتا سمعوا دقان فالباب ، خرجات سميرة ومشات حلات الباب...

سميرة [بإبتسامة بشوشة] : أهلا أهلا أسعاد
سعاد [قربت ليها معنقاها] : يختي شحال توحشتك
سميرة : كون تشوفي أنا [بعدت عليها شوية] دخلوا ، دخلوا مرحبا

• دخلاتهم لداخل للبيت وهيا كترحب بيه ، بركوا كاملين فالبيت الجلوس أما هيا فبقات واقفة باش تخرج تمشي للكوزينة...

سميرة : صبرول نمشي نعمر آتاي ونجيب واحد البنت تجي تبرك حدانا ونجي
خديجة : أشمن بنت
سميرة : غا واحد البنت مسكينة لقاها رضوان لبارح فالليل طايحة وجابها بركات معانا حيت معندها فين تبرك
خديجة [وهيا كتحس بهدشي فشكل] : واخا سيري كلميها وبلاما ديري شي حاجة أنا أصلا غادة
سميرة [وهيا غادة خارجة] : معندك فين غادة تمشي
خديجة [وهيا كتشوف فنورة] : هاد مك غادة تشدنا عندها تا يطلقني راجل
سعاد [وهيا كضحك] : لواه سي بوشعيب ميقدش يديرها
خديجة : والى قدر يديرها غا يديرها
سعاد : اجي هضرتي معاه على دكشي تاع لبارح أش قالك
خديجة : راه لهدشي علاش جيت عندك ونسيت مقلت ليك والو إيه راني هضرت معاه فهدشي وقاليا الى يامنة موافقة هوا ميزيدهم غا الخير
سعاد : وسولتي يامنة اش قالت ليك
خديجة : وبنتي صارحة مباغا كاع تزوج ولكن راني هضرت معاها وقلت ليها راه خالتك ظريفة وكريم ولد ناس وصافي قالت ليا لي درتوه مرحبا
سعاد : ونتي راك عارفاني اخويتي أنا يامنة عزيزة عليا ونحسبها بحال بنتي ومني ولدي باغاها بالعكس فرحت حيت غادة تكون هيا مرت ولدي وراني نحطها فطراف عينيها
خديجة : ربي يحفظك اخويتي راني عارفة أش كين أصلا كون مكانش ولدي كريم معقول ونتي مزيانة منعطيهاش ليكم
سعاد : اوا دابا خاصكم ديروا معانا شي نهار نجيو نخطبوا فيه نتي راك عارفة عندنا غا شهر هنا وخاصني نمشيو ونديوها معانا
خديجة : وا يجيو خوتها فلخر تاع سيمانة وجيو مرحبا بيكم
سعاد : صافي ان شاء الله

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎