🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 53
• وسط هضرتهم دخل عزيز مقاطع كلامهم ، ناضت يامنة بزربة وشافت فيه وهيا مبتاسمة ومحرجة من البركة لي كانت دايرة...يامنة [بتوتر] : خويا جيتي
عزيز : اش بان ليك
يامنة [حدرت راسها وتمت غادة خارجة] : نمشي نشوف يِّما واش خاصها شي حاجة• مشات كتجري وهيا كتعكل فرجليها وحاشمة من البركة لي دخل وشافها فيها ، مشات للبيت عندها لقات غيمة كتصلي ، سدات لباب عليها ومشات لعند خديجة وبركت حداها فالكشينة...
يامنة : واش با وعمي جاو
خديجة : اه راه جاو وراهم باركين برى
يامنة : اه صافي واخا
نورة [دخلت لعندهم] : خالتي محتاجة شي حاجة نعونكم فيها
خديجة : لا لا ابنتي ممحتاجة والو غا بركي انا قادة بشغلي•"بعــد مــدة زمنيـــة"•
• حطات خديجة هيا البنات لعشا وتعشاو ومشات نورة غسلات لماعن من بعد دخلات لبيتها وحتا يامنة وغيمة مشاو فرشوا وتكاو ، اما بوشعيب وسعيد بقاو باركين كيهضروا معا خديجة لي كانت باركة حداهم...
سعيد : موهيم اختي خديجة غير حاولي ازربي فهدشي تاع الفرح راني خاصني نمشي لداري ونقاد خدمتي تم راك عارفاني مكنقدر نعول على حتا حد من غير راسي
خديجة : اوا اخويا رخف على راسك شوية
سعيد : حمد الله انا مرتاح لي شاطناني هيا غيمة خاصني نقادها فدارها باش نمشي وانا اصلا تقلت عليكم تاني بزاف
بوشعيب : اش هاد الهضرة اسعيد كنسمع منك واش حنا بيناتنا هدشي [طبطب ليه على كتفوا] ربي لي عالم بلي راه كنحسبك خويا ماشي خويا مرتي
سعيد [بإبتسامة] : عارف لي كين والله وهدشي ليدرتوا معايا عمرني ننساه ليكم
خديجة : هدشي ةاجب علينا اخويا وغيمة راها بنتي وانا غادة نحاول انني ندير الفرح فهاد الأيامات
سعيد : الفلوس متهزيش ليهم الهم نتي غير تكلفي بكلشي وانا نخلص تكاليف تاع كلشي
خديجة : يكون خير اخويا موهيم راه غير نحيد عليا غدا غادين يجيو شي ناس يخطبوا يامنة وديك ساعة نقاد ليك الأمور اخويا
سعيد [بفرحة خارجة ليه من عينيه] : يامنة جاو فيها الخطاب ؟! تبارك الله والله يسر ليها وتشوفوها ان شاء الله بوليداتها فرحانة
خديجة : امين يارب [ضارت كتشوف فبوشعيب] هانتا غدا متمشيش للخدمة حتال من مور الغداء عاد سيروا حيت غادي تجي سميرة وولدها يتغداو معانا
بوشعيب : لا منقدر منمشيش وحنا معا الغداء غادي تلقاينا
خديجة : صافي لي بان ليك
بوشعيب [جمع الوقفة] : يله نوضي تنعسي خلي سعيد تنعس حتا هوا راه عيان
خديجة [وقفت وهيا مبتاسمة فوجه خوها] : يله اخويا تصبح على خير✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...