بين الثراء والبادية

الحلقة 31

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 31
• مشا لهاشمي وهوا ديك صندوقة لي خدا من عندها انا هيا فدخلات لداخل فين باركين رجال وبركات حداهم...

خديجة : واش نحط ليكم العشا دابا ولا بلاتي
بوشعيب : حطي لينا راه جانا جوع
خديجة [بإبتسامةوهيا كتشوف فسعيد] : موهيم قبل منمشي نحط ليكم خويا سعيد صافي كون هاني من جيهة تاع بنت يكمل فرح عزيز ونبداو فالفرح تاعها هيا ولهاشمي
بوشعيب : صافي رطب راسوا
خديجة [بإفتخار] : معاكم خديجة واجركم على الله [طولت شوفة فبوشعيب] سبع نرضوا قدامي ضبع
بوشعيب : الله يكتر خيرك ونوضي حطي لينا ناكلوا

• مشات للكوزينة وهيا كلها افتخار بنفسها وكضحك على بوشعيب لي كان فهم قصدها ليه ، انا عندهم فبعد صنت لي دام لثواني تكلم عزيز بتسأل...

عزيز : دابا رضوان اش نقوليه ؟!
بوشعيب : صافي قوليه لبنت معطية
سعيد : نتا هضرتي معاه
عزيز : لا مزال مشفتوش
سعيد : صافي قوليه كيف قالك بوشعيب بلي لبنت معطية
عزيز : صافي واخا

• بعد مدة دخلات خديجة وهيا هازة طبسيل لي فيه المرقة ، مشات كلمات البنات لي كانوا باركين فالبيت كيهضروا ، تجمعوا على طبلة وتعشاو مجموعين من بعد ناضوا فرشوا وكل واحد تكا فبلاصتوا...

       •°•°• أصبحنا وأصبح الملك لله •°•°•

   ▪︎كيف العادة فاقت خديجة والبنات بكري ومعاهم حتا غيمة ، طيبوا الفطور لرجال لي فطروا وتحركوا للأرض ، اما خديجة والبنات جمعوا دار وداروا الغداء ومشاو لعند سميرة ونورة لي كانت وجدات الحنة وفرشات ليهم فالأرض وبداو لبنات تاع دوار كيجيو...

• داروا لحنة لعروس ومن بعد داروها حتا لبنات وسط ضحك ونشاط تاعهم ، وحتا سميرة وخديجة كانوا ناشطين معاهم وهوما كينقيو فزرع ومني كملوا ونشفات ليهم الحنة وساسوها كل وحدة مشات للخيمة تاعها...

• اما خديجة والبنات فعاونوا سميرة حتا جمعات دنيا وغسلوا ليها الماعن عاد سلموا عليها وسلموا على نورة لي كانت بقات مجمعة معا غيمة...

خديجة [وهيا واقفة حدا لباب] : يله اسميرة دوزي بخير وعلمي العبالات باش يجيو يعاونونا فتنقية تاع زرع
سميرة : صافي كوني هانية دابا نقولها ليهم

• سلموا عليها حتا لبنات وقبل ميتحركوا تلقاو معا رضوان لي كان جاي وجايب معاه القطيع لي كان سارح بيهم...

سميرة : رضوان جيبتي الغنم بكري ليوم
رضوان [وهوا عينوا على غيمة لي كانت عاطياه بضهر] : لا راه هوا هذا الوقت
خديجة : يله انا مشيت اسميرة ويله دوز بخير اولدي رضوان

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎